Bota e informatikës/ Risia në teknologji vjen me aplikacionin e fundit “ChatGPT”
Çfarë është ky aplikacion?
“ChatGPT” është një aplikacion i krijuar së fundmi nga një shoqëri amerikane, e quajtur “OpenAI”, i cili është mjaft praktik dhe i lehtë për t’u përdorur. Krijuar me gjuhën e programimit “PYTHON”, ka bërë që çdokush nga ne të shkruajë një pyetje dhe nëpërmjet kërkuesit automatik “online” bën të mundur filtrimin dhe gjetjen e përgjigjeve automatike nga “Google” të pyetjeve të ndryshme të krijuara nga qytetarët. “ChatGPT”, i quajtur “smart-chat” është një inovacion i ri në fushën e teknologjisë së informacionit, kryesisht programimit, i cili mund të konsiderohet si gjenerator përgjigjesh të menjëhershme ndaj klientit në mënyrë imediate. Aplikacioni “Chatbox GPT” është një auto-gjenerues i përgjigjeve bazuar në pyetjet e kërkuara të serverave të databazave të ndryshme si “Google”, “Youtube”, “Linkedin” etj.. Ky aplikacion mund të përdoret në sfera të ndryshme si, në sistemin mjekësor, sistemin industrial, sistemin bankar, në kërkime të informacioneve të ndryshme në arsim etj.. Regjistrimi në këtë aplikacion realizohet si në çdo aplikacion apo portal tjetër dhe kjo është një arritje e botës së informatikës për të krijuar atë që mund ta konsiderojmë si “Profesori Dixhital”, ku çdokush mund të marrë informacione të konsiderueshme në kohë nga ky aplikacion dhe mund ta përkthejë atë automatikisht “Google Translate”, apo edhe të tjera. “ChatGPT” mund të përdoret në çdo pajisje elektronike të lidhur në internet “online” si në kompjuter, telefona etj.. Në “ChatGPT” mund të bisedohet edhe falas, ndërsa për pyetje më të avancuara apo për pyetje të shpeshta është edhe me pagesë. Siç po e kuptojmë, teknologjia e informacionit dhe inteligjenca artificiale zhvillohen në mënyre galoponte, duke rritur efektivitetin dhe prakticitetin në botën tonë, por në anën tjetër po na kthen në qenie introverte, duke u larguar gjithnjë e më tepër nga rrethi social. Ky aplikacion inovativ, bazuar në inteligjencën artificiale ka sjellë një koncept të ri dhe përdoret në fusha të ndryshme.