BKH zbarkon në vilën e partneres së Arben Ahmetajt, gjenden 30 mijë euro
Rama: Nëse unë do të kisha bërë rolin e gjykatësit, gjërat do të kishin qenë shumë më keq Kontroll edhe banesës së ish-bashkëshortes
Kryeministri Edi Rama ka folur dje edhe për deklaratën e ishzv.kryeministrit Arben Ahmetajt që të mos bëjë gjykatësin lidhur me aferën e inceneratorëve. Rama deklaroi shkurt se nëse do kishte bërë rolin e gjykatësit, gjërat do të kishin qenë shumë më keq për ata që duan që ai të bëjë rolin e gjykatësit. “Nëse unë do të kisha bërë rolin e gjykatësit, gjërat do të kishin qenë shumë më keq për ata që duan që unë të bëj rolin e gjykatësit”, - tha Rama. Byroja Kombëtare e Hetimit ka zbarkuar mbrëmjen e djeshme në banesën e partneres së ish-zëvendëskryeministrit Arben Ahmetaj në Hamallaj. Mësohet se është kontrolluar edhe shtëpia e ish-bashkëshortes së Ahmetajt. Në kontrollin e kryer në shtëpinë e ish-bashkëshortes nuk është gjetur asgjë e paligjshme, ndërsa në shtëpinë e partneres është gjetur një shumë parash prej 30 mijë eurosh. Kujtojmë se ish-ministri i Financave, Ahmetaj, po hetohet nga SPAKu
në lidhje me përfshirjen e tij në aferën e inceneratorëve. Ky hetim nisi pak muaj më parë pas kallëzimit në SPAK, që kishte lidhje me një vilë të ndodhur në Hamallaj, në kompleksin “Vala Mar”, që ish-ministri dhe bashkëjetuesja e tij nuk e kishin deklaruar dhe që sipas kallëzuesve, ishte dhuruar Klodian Zoto, një nga të kërkuarit për aferën inceneratorëve. “Report TV” ka siguruar listën e plotë të pronave që SPAK-u po heton. Në sitë janë vendosur dhe po verifikohen edhe pasuri të tjera në emër të ish-bashkëshortes së Ahmetajt, Albina Macka. Bëhet fjale për një vile në “Rolling Hills”, në Tiranë, një në “Green Coast”, si dhe një apartament në ish-Bllok, të cilat janë në pronësi të ish- bashkëshortes së Ahmetajt. Ndërkohe që është duke u verifikuar edhe vila në Hamallaj në pronësi të bashkëjetueses aktuale, Erjola Hoxha. Së bashku me dokumentacionin e ndërtimit të objekteve, SPAK-u ka sekuestruar edhe dokumentacionin për arredimin e të gjitha këtyre pronave. Ndërkohë heshtja e prokurorisë dhe mosveprimi në dukje bie në kontrast edhe me paraqitjen e disa individëve në dyert e SPAK-ut. Aktiviteti që zhvillohet prej tyre është tërësisht privat, gjë që na bën të besojmë se i vetmi motiv që janë thirrur lidhet me gjurmët financiare të lëna te këta për shkak të detyrës së investimeve nga Arben Ahmetaj dhe familjaret e tij në pasuri të paluajtshme.
Identifikimi i pronave fizike e veçanërisht vilave, si dhe marrja e informacionit në mos të dhënave dokumentare që provojnë shumën e investuar si në
ndërtimin, ashtu edhe të arredimit të tyre nga Ahmetaj dhe familjaret e tij, që përbën një provë që ishministri po hetohet për pastrim parash.