Trondit ekzekutori i Behar Sofisë: Do vrisja edhe një person në Gjermani, paratë do m’i jepte “Bajlozi”

Dëshmia në GJKKO/ Ernejt Shyti: Porositësit do të më paguanin 500 mijë euro

Ernejt Shyti, i cili ndodhet në burg si autor i vrasjes së biznesmenit Behar Sofia më 21 shkurt të vitit 2021 afër Piramidës në Tiranë ka pranuar të bashkëpunojë me drejtësinë. Mësohet se ai ka dhënë dëshmi tronditësi gjatë seancës në Gjykatën e Posaçme. 24-vjeçari ka folur në gjyq edhe për porosi të tjera për eliminime. Ai ka deklaruar se personat që e kishin porositur për të eliminuar biznesmenin Behar Sofia i kishin kërkuar të kryente një vrasje tjetër në Gjermani. Bëhet fjalë për një 34-vjeçar, emrin e të cilit nuk e bën publik dhe për këtë vrasje do të paguhej 500 mijë euro. Sipas porositësve, paratë për vrasjen në Gjermani do t’i merrte nga një person i njohur me pseudonimin “Bajlozi”, të cilin nuk e njihte. “Të njëjtët që më dhanë porosinë për të vrarë Behar Sofinë, të cilin e vrava, më afruan 500 mijë euro për të bërë një vrasje tjetër, jo në Tiranë, por në Gjermani. Më thanë që viktima e ka shtëpinë buzë rrugës dhe ishte një 34-vjeçar. Pagesa që do të merrja për këtë vrasje ishte e majme, jo 50 milionë lekë të vjetra që nuk i mora asnjëherë për Behar Sofinë, por 500 mijë euro. Po ashtu, më thanë se paratë do t’i merrja nga ‘Bajlozi’”, - ka thënë Shyti në GJKKO. Ndërkohë, i riu ka treguar më tej me detaje vrasjen e biznesmenit

DËSHMIA E ERNEJT SHYTIT

“Të njëjtët që më dhanë porosinë për të vrarë Behar Sofinë, të cilin e vrava, më afruan 500 mijë euro për të bërë një vrasje tjetër, jo në Tiranë, por në Gjermani. Më thanë që viktima e ka shtëpinë buzë rrugës dhe ishte një 34-vjeçar. Pagesa që do të merrja për këtë vrasje ishte e majme, jo 50 milionë lekë të vjetra që nuk i mora asnjëherë për Behar Sofinë, por 500 mijë euro. Po ashtu, më thanë se paratë do t’i merrja nga ‘Bajlozi’”, - ka deklaruar Shyti në GJKKO.

EKZEKUTIMI I BEHAR SOFISË

66-vjeçari Behar Sofia, i njohur si “padron droge”, u ekzekutua mëngjesin 25 shkurtit afër Piramidës në Tiranë, ndërsa vrasësi u largua me biçikletë. Autori pasi e ka ndjekur disa metra pranë shtëpisë së tij, i ka dalë para 66-vjeçarit dhe e ka qëlluar. I veshur sportiv, me kapele, syze e maskë antiCOVID, pasi ka bërë atentatin, ai është larguar dhe ka kaluar në këmbë urën e Lanës. Më pas ka marrë një biçikletë pranë kullave dhe është larguar drejt Kodrave të Liqenit.

Behar Sofia, nga përgatitja e krimit deri te finalizimi. Pasi mori porosinë, Shyti bashkë me Xhuliano Vishën edhe ky i arrestuar, shkuan në pyll e Krrabës, për të mësuar të qëllonin me pistoletë TT. Por çuditërisht i riu e vazhdon rrëfimin, duke thënë se shtinë vetëm dy herë dhe gëzhojat i fshehën në pyll. Më pas miku i tij Visha i dha një “iPhone” me të cilin do të fliste në aplikacionin “Sky” me një tip që quhej “Lleshi”, i cili rezulton Leonard Xhixha, të cilin disa ditë më pas e takoi personalisht te Sanatoriumi. Pas Lleshit, një burrë që e thërrisin “Daja”,

Skënder Vathi dhe një djalë i ri, edhe këta në burg, i vihen në ndihmë Shytit, për të ekzekutuar Sofinë, të cilin e vëzhguan 20 ditë. Ernejt Shyti u arrestua vetëm dy javë pasi kishte kryer vrasjen e Behar Sofias, më 12 mars 2021 në Mal të Zi, teksa punonte në ndërtim. Emisioni “Në shënjestër” në “News 24” ka sjellë më herët dëshminë e Ernejt Shytit për grupin hetimor, ku ka folur me emra për bashkëpunëtorët. Duke qenë se “preja” e atentatit jetonte në një pallat në qendër të Tiranës, të survejuar nga kamerat e shumta dhe policia, grupi po

haste vështirësi në organizimin e vrasjes. Ndaj për këtë qëllim, vrasja e Behar Sofias kërkonte një studim të hollësishëm prej tyre. Është ky moment sipas grupi hetimor, kur persona të paidentifikuar, por që pretendohet të jenë porositësit e vrasjes, ia ngarkojnë këtë punë Jemin Sherës, i cili njihet në rrethet kriminale edhe me pseudonimin “Bajlozi”. Profili i Jemin Sherës si një nga porositësit e vrasjes së Behar Sofias u evidentua edhe nga pamjet filmike të siguruara ditën e krimit rreth vendit të ngjarjes, ku ky i fundit vihet re teksa qëndron

mëngjesin e vrasjes ulur në një tavolinë me Skënder Vathin, në një nga lokalet pranë pallatit të viktimës, ndërsa pamjet shquajnë momentin kur Shera i kalon Vathit diçka në duar. Sipas grupit hetimor, fillimisht Jemin Shera ka kontaktuar për vrasjen Bujar Nezën, i cili rezulton se ishte njohje dhe lidhje e drejtpërdrejtë e Sherës. Fill pas këtij momenti, Bujar Neza i ka prezantuar Jemin Sherës, Xhuliano Vishën që vinte si njohje e Skënder Vathit dhe Leonard Xhixhës, të dy dajë e nip, por që ndërkohë ishte edhe shok fëmijërie me Ernejt Shytin.

Visha do të ishte fillimisht këmbëza e atentatit, por që me tërheqjen e tij këtë rol do ta merrte shoku i tij, Ernejt Shyti. Siç do të rrëfente edhe vetë më pas në prokurori, Ernejt Shyti doli për ditë me radhë në kërkim të presë së tij. Derisa ditën e tetë, Skënder Vathi, në këtë rast “Daja” i bëri me shenjë, që shënjestra ishte përballë tij, por duke qenë se nuk ishte gati psikologjikisht, Shyti tregoi për hetuesit se priti edhe 8 ditë të tjera për të kryer ekzekutimin. Ndërkohë që nuk e dinte ende se kush ishte viktimat e tij dhe rëndësia që kishte.