Indrit Hoxha: Shkaktari i varfërisë ekstreme është Rama. Vora u kthye në simbol të krimit
“Bëhuni bashkë në betejën e 14 majit”
Kandidati i koalicionit opozitar për Bashkinë e Vorës, Indrit Hoxha, deklaroi se kryeministri Edi Rama është shkaktari kryesor i gjendjes ku ndodhet vendi dhe tha se Vora është kthyer në një simbol të krimit. “Ne besojmë fort te ju në këtë mision që na kanë ngarkuar qytetarët shqiptarë. Misionin për të ndaluar sa më shpejt regjimin kriminal të Edi Ramës. Jo më kot, bashkë me kryetarin Berisha kemi zhvilluar shumë takime me shqiptarët e diasporës. Ju keni luajtur një rol shumë të rëndësishëm për rikthimin e Partisë Demokratike në krye të detyrës për t’u përballur me pushtetin e Edi Ramës”, - tha ai. Z.
Hoxha shtoi gjithashtu se Shqipëria po shkon drejt një varfërie ekstreme.
PJESE NGA FJALA
“Të dashur bashkatdhetarë! Të dashur demokratë! Dua t’ju sjell një përshëndetje të zjarrtë për të gjithë ju dhe familjet tuaja nga Shqipëria. Faleminderit nga zemra që jeni prezentë në këtë takim sot në një moment shumë të rëndësishëm për të ardhmen e Shqipërisë dhe demokracisë së saj. Personalisht ndihem shumë i nderuar që Partia
Demokratike më ka besuar që të jem zëri juaj dhe i të gjithë shqiptarëve të diasporës. Kjo është një përgjegjësi shumë e madhe për mua dhe shpresoj të jem në lartësinë e duhur të kësaj detyre të rëndësishme. Në fakt, ajo që kam vënë re gjatë gjithë kësaj kohe është se diaspora shqiptare, por veçanërisht shqiptarët që jetojnë në Britaninë e Madhe, kanë një lidhje shumë të fortë me vendin e tyre. Në të gjitha bisedat që kam bërë me ta, vihet re shqetësimi që ata kanë për fatet dhe të ardhmen e Shqipërisë. Edhe pse jetojnë larg, mendja e tyre qëndron te Shqipëria. Dashuria që ju keni për vendin ju bën të jeni gjithmonë të vëmendshëm për zhvillimet që ndodhin në Shqipëri, që fatkeqësisht kohët e fundit nuk janë aspak pozitive. Por përkundrazi, vendi gjithmonë e më shumë po shkon drejt varfërimit dhe autokracisë. Prandaj ky takim i sotëm zhvillohet pikërisht si një thirrje që Partia Demokratike ka për ju. Ju ftoj të gjithëve për të dhënë kontributin tuaj që Shqipëria të ndalojë rrugën e greminës, ku e ka futur qeverisja më e korruptuar e Ballkanit. Dhe shkaktari kryesor i kësaj rruge është Edi Rama me qeverisjen e tij. Këtë gjë tashmë e dinë të gjithë. E dini ju, e dinë shqiptaret e të gjithë diasporës, e dinë qytetarët shqiptarë. Eksperienca juaj, inteligjenca juaj, dashuria juaj për Shqipërinë, kapitali i paçmuar i diasporës shqiptare, jam i bindur që mund te jetë një kontribut i jashtëzakonshëm për të ndryshuar fatet e Shqipërisë. Ne besojmë fort te ju në këtë mision që na kanë ngarkuar qytetarët shqiptarë. Misionin për të ndaluar sa më shpejt regjimin kriminal të Edi Ramës”.