Tentuan të trafikonin drogë drejt Greqisë, arrestohen 3 persona e 2 të tjerë në kërkim
KORÇË - Një operacion antidrogë i zhvilluar në Ersekë është finalizuar me arrestimin e 3 personave, ndërsa janë shpallur në kërkim janë shpallur 2 të tjerë. Mësohet se gjatë operacionit të koduar “Restart 14”, blutë e Korçës prangosën Gjergji Bendo, 26 vjeç; Lentin Sulo, 29 vjeç; Mikel Kurtiqi 19 vjeç, si dhe shpallën në kërkim G. D., 35 vjeç, banues në Leskovik dhe K.P., 24 vjeç, banues në Ersekë, pasi dyshohet se do të trafikonin lëndë narkotike në drejtim të Greqisë. Nga hetimet e kryera rezulton se bashkëpunëtorë të 26vjeçarit, në këtë veprimtari kriminale ishin edhe 4 shtetasit e tjerë. Konkretisht shtetasi Lentin Sulo, monitoronte rrugën, për të sinjalizuar 26-vjeçarin, në rast se kishte prezencë të shërbimeve të policisë në rrugë.
Mikel Kurtiqi dhe dy të tjerë dyshohet se do të kryenin transportimin e lëndës narkotike nga qyteti i Ersekës, në drejtim të fshatit Barmash, Kolonjë, e më pas drejt qytetit të Leskovikut. Në bashkëpunim me Prokurorinë po vijon puna për dokumentimin e plotë të ngjarjes. Materialet i kaluan Prokurorisë së Rrethit Gjyqësor Korçë për veprime të mëtejshme. “Në bazë të informacioneve të siguruara nga inteligjenca informative se shtetasit e lartpërmendur, në bashkëpunim me njëri-tjetrin, ushtronin aktivitetin e kundërligjshëm të prodhimit dhe shitjes të lëndëve narkotike, shërbimet e Policisë organizuan punën dhe në qytetin e Ersekës, Kolonjë, nga kontrolli i ushtruar në automjetin tip ‘Benz’ me drejtues shtetasin Gj.B., u gjetën 2 qese me 8.2 kg lëndë të dyshuar narkotike kanabis. Nga hetimet e kryera rezulton se bashkëpunëtorë të 26-vjeçarit në këtë veprimtari kriminale ishin edhe 4 shtetasit e tjerë. Konkretisht shtetasi L.S., monitoronte rrugën, për të sinjalizuar 26-vjeçarin, në rast se kishte prezencë të shërbimeve të Policisë, në rrugë. Ndërsa shtetasit M.K., G.D. dhe K.P., dyshohet se do të kryenin transportimin e lëndës narkotike nga qyteti i Ersekës, në drejtim të fshatit Barmash, Kolonjë e më pas drejt qytetit të Leskovikut. Në bashkëpunim me Prokurorinë po vijon puna për dokumentimin e plotë të ngjarjes”, - njoftoi ndër të tjera policia. Materialet i kaluan Prokurorisë së Rrethit Gjyqësor Korçë, për veprime të mëtejshme.