U gjenden 2 pistoleta dhe një shpatë në makinë, përfundojnë në pranga 4 persona në Tiranë
TIRANË - Adrian Vla di, Aleks Vajda, Festim Rrustemi dhe Bermis Gjana janë vënë në pranga nga Policia e Shtetit pas finalizimit të operacionit “Brigde”. Mësohet se në vendin e quajtur “Ura e Beshirit”, policia ndaloi automjetin tip “Mercedes Benz”, me drejtues Rrustemin dhe pasagjerë 3 personat e tjerë. Gjatë kontrollit të automjetit u gjetën dy armë zjarri pistoleta, njëra prej tyre me mulli, municion luftarak, 3605 euro dhe 2000 lekë të rinj. Në vijim të veprimeve, gjatë kontrollit të banesës së Gjanës u gjet një shpatë. Policia sekuestroi dy armët e zjarrit pistoleta, një shpatë, shuma 3605 euro dhe 2000 lekë të rinj, automjeti si dhe 6 aparate celulare.
NJOFTIMI I POLICISË:
Finalizohet me sukses nga Komisariati i Policisë Nr. 6 operacioni policor i koduar “Bridge”. Qarkullonin të armatosur në një automjet, vihen në pranga 4 shtetas. Sekuestrohen dy armë zjarri pistoleta, njëra prej tyre me mulli, municion luftarak, një shpatë, 3605 euro, një automjet, si dhe 6 aparate celulare. Shërbimet e Komisariatit të Policisë Nr.6, në vijim të punës për goditjen e rasteve të armëmbajtjes pa leje, bazuar dhe në inteligjencën informative se në rrugën Ndroq-Tiranë, me një automjet tip “Mercedes Benz”, po qarkullonin persona të armatosur, menjëherë kanë organizuar punën për kapjen e tyre dhe kanë finalizuar operacionin policor të koduar “Bridge”. Si rezultat i këtij operacioni u arrestuan në flagrancë shtetasit: A.V., 35 vjeç, A.V., 42 vjeç, F.Rr., 35 vjeç, dhe B.Gj., 22 vjeç, të katër banues në Durrës. Në vendin e quajtur “Ura e Beshirit”, shërbimet e Policisë kanë ndaluar automjetin tip
“Mercedes Benz”, me drejtues shtetasin F.Rr. dhe pasagjerë 3 shtetasit e tjerë. Gjatë kontrollit të automjetit, u gjetën dy armë zjarri pistoleta, njëra prej tyre me mulli, municion luftarak, 3605 euro dhe 2000 lekë të rinj. Në vijim të veprimeve, gjatë kontrollit të banesës së shtetasit B.Gj., u gjet një shpatë. Në cilësinë e provës materiale u sekuestruan dy armët e zjarrit pistoleta, një shpatë, shuma 3605 euro dhe 2000 lekë të rinj, automjeti si dhe 6 aparate celulare. Materialet i kaluan Prokurorisë, për veprime të mëtejshme procedurale.