Ndërtimi i aksit Thumanë-Kashar/ Banorët e Bërxullës paralajmërojnë grevë urie, kërcënojnë me vetëflijim
“Do marr shkrepëse dhe shishen me benzinë e do flijohem këtu! Rama po fshihet pas Ballukut” Protestuesja akuzon policin: Më gjuajti me këpucë dhe gjunjë, e kam shenjën në trup”
Banorët e Bërxullës u hodhën sërish në pro testë ditën e djeshme kundër projektit të autostradës Thumanë-Kashar, e cila u prek edhe banesat. Ata kërkojnë prej muajsh shpronësimin e drejtë, sipas tyre, të pronave që preken nga ky projekt. Banorët pretendojnë se shteti nuk i dëmshpërblen sipas vlerës së banesave, ndërsa i bënë thirrje shtetit që të mos i prekin banesat e tyre pa u dëmshpërblyer sipas vlerës reale të shtëpive. Si çdo të diel, protestuesit bllokuan rrugën e Rinasit në dy akset e rrugës si shenjë revolte kundër projektit “Thumanë-Kashar”. Gratë së bashku me fëmijët u ulën në rrugë, duke mos lejuar qarkullimin e makinave. Ata paralajmëruan se do të futen në grevë urie dhe se do dalin çdo ditë në protestë. “Do të futemi në grevë urie, nuk do dalim vetëm sot, por çdo ditë”, - tha njëri nga banorët. “Do të hyjmë në grevë urie. S’ka zgjidhje tjetër, ose të vijë shteti këtu. Pse duhet të shkojmë në gjyq, kur shteti e ka në dorë? Shteti e di që nuk kemi bërë asgjë të paligjshme. Nëse duan rrugë, hajde të vijnë të merren vesh me banorët”, – u shpreh një tjetër banor i Bërxullës. Ndërkohë, banorët thanë se ka pasur tentativa për negociata nga ana e kompanisë që do të zhvillojë projektin, por theksojnë se nuk besojnë asgjë në rast se nuk arrijnë kompromis të dokumentuar. “Ka pasur tentativa për negociata nga kompania, jo nga shteti. Kompania thotë për vlerën e banesave që ofrohet një çmim sipas tremujorëve që është çmimi 75 euro për metër. Ne këto i duam të dokumentuara. Se me llafe kemi 170 ditë që jemi ngopur. Do të vazhdojmë protestën tonë të panegociueshme”, tha një tjetër banor. Banorët e Bërxullës kundërshtojnë projektin e zgjerimit të aksit rrugor Thumanë-Kashar, i cili prek banesat e tyre. Kjo nuk është protesta e parë që ndodh nga banorët e kësaj zonë lidhur me këtë shqetësim, pasi mësohet se ata nuk janë dakord me skemën e shpronësimit të pronave të tyre që preken nga projekti i rrugës. Sipas tyre, çmimi i tregut për pronat e tyre është rreth 50 euro për metër katror, ndërsa atyre u është ofruar një kompensim me rreth 4 euro për metër katror, gjë që ata e kanë refuzuar kategorikisht. Gjatë protestës së djeshme ka pasur tensione mes banorëve të zonës dhe efektivëve të policisë. Njëra prej grave ka akuzuar drejtpërdrejtë uniformat blu duke thënë se një prej tyre e ka gjuajtur me këpucë dhe me gjunjë. “Ai më gjuante me këpucë dhe me gjunjë, turp të ketë, unë po mbroj banesën time. Po më gjuante fshehtas me gjunjë dhe këpucë. Ja çfarë bën shteti, Belinda Balluku e bëri atë për Durrësin, këtu jemi deri në vdekje. Nuk e lëshoj të drejtën time, asnjëherë! E kam shenjën në mes ku më gjuajti me këpucë, i pafytyrë. T’u drejtova si zonjë. I ka thënë Rama Ballukut shko vriti!”, - u shpreh ajo e indinjuar. Ndërkaq, njëri prej banorëve të Bërxullës ka paralajmëruar se do të ndërmarrë aktin ekstrem, atë të vetëflijimit. Gjatë protestës qytetari tregoi se të dielën që vjen, do të jetë i përgatitur me shkrepëse dhe një shishe benzinë për t’u vetëflijuar. “Kryeministri fshihet pas Ballukut, paçin faqen e zezë! Të vish këtu dhe të bësh këto veprime me fshatarët është e paimagjinueshme, të mos vonojë më, ai kryeministër, ajo ministre, ata drejtorë e qeveritarë. Të vijnë brenda javës dhe ta zgjidhim përfundimisht. Ne nuk jemi kundër rrugës dhe zhvillimit, por duam hakun tonë. Do të marr shishen e benzinës dhe shkrepësen e do të vetëflijohem. Unë këtu
PROTESTA E BANORËVE
Banorët e Bërxullës kundërshtojnë projektin e zgjerimit të aksit rrugor Thumanë-Kashar, i cili prek pronat dhe banesat e tyre. Kjo nuk është protesta e parë që ndodh nga banorët e kësaj zonë lidhur me këtë shqetësim, pasi mësohet se ata nuk janë dakord me skemën e shpronësimit të pronave të tyre që preken nga projekti i rrugës. Sipas tyre, çmimi i tregut për pronat e tyre është rreth 50 euro për metër katror, ndërsa atyre u është ofruar një kompensim me rreth 4 euro për metër katror, gjë që ata e kanë refuzuar kategorikisht.
AKUZA NDAJ POLICISË
Njëra prej grave ka akuzuar drejtpërdrejtë uniformat blu duke thënë se një prej tyre e ka gjuajtur me këpucë dhe me gjunjë. “Ai më gjuante me këpucë dhe me gjunjë, turp të ketë, unë po mbroj banesën time. Po më gjuante fshehtas me gjunjë dhe këpucë. Ja çfarë bën shteti, Belinda Balluku e bëri atë për Durrësin, këtu jemi deri në vdekje. Nuk e lëshoj të drejtën time, asnjëherë. E kam shenjën në mes ku më gjuajti me këpucë, i pafytyrë. T’u drejtova si zonjë. I ka thënë Rama Ballukut shko vriti!”, - u shpreh ajo e indinjuar.
KËRCËNIM ME AKT EKSTREM
Një prej banorëve të Bërxullës ka paralajmëruar se do ndërmarrë aktin ekstrem, atë të vetëflijimit. Gjatë protestës qytetari tregoi se të dielën që vjen do të jetë i përgatitur me shkrepëse dhe një shishe benzinë për t’u vetëflijuar. “Do marr shkrepësen dhe benzinën. Jap fjalën se radhës tjetër do të vetëflijohem. Unë e kam ndarë mendjen, për grevën e urisë nuk jam, se jam i sëmurë”. me shishen e benzinës. Nuk tradhtoj. Këtu do të flijohem. Kjo është përgjakja e tokës, edhe toka qan për këta njerëz, këta banorë. I kërkon njeriut që të jetë i drejtë. Nuk e dua më jetën, shteti as një aspirinë nuk na jep”, – deklaroi një prej banorëve. Banorët e Bërxullës kundërshtojnë projektin e zgjerimit të aksit rrugor Thumanë-Kashar, i cili prek pronat dhe banesat e tyre. Kjo nuk është protesta e parë që ndodh nga banorët e kësaj zonë lidhur me këtë shqetësim, pasi ata nuk janë dakord me skemën e shpronësimit të pronave të tyre që preken nga projekti i rrugës. Sipas tyre, çmimi i tregut për pronat e tyre është rreth 50 euro për metër katror, ndërsa atyre u është ofruar një kompensim me rreth 4 euro për metër katror, gjë që ata e kanë refuzuar kategorikisht.