Shpallja e Vjosës park kombëtar, jehonë ndërkombëtare: Kërcënohej nga 46 diga, tani habitat i sigurt
Reagon Rama: I ka dhënë një fuqi të re imazhit ndërkombëtar të Shqipërisë “The Guardian”: Moment historik për mbrojtjen e natyrës
Vendimi i qeverisë sh qiptare për ta shpal lur Ekosistemin e natyror të lumit Vjosa, si park kombëtar ka tërhequr vëmendjen e mediave nga e gjithë bota, të cilat e kanë vlerësuar si një vendim historik për mbrojtjen e natyrës. Media gjermane, “Der Spiegel”, në shkrimin e publikuar prej saj nënvizon se lumi i fundit i egër i fundit në Evropë kërcënohej nga ndërtimi i 46 digave. Në shkrim, saktësohet se Vjosa është banesa e mbi 1 100 specieve. Sipas medias gjermane, vendimi i qeverisë është vetëm në letër, por ka premisa tejet pozitive për realizimin e tij. “Dyshimet janë të justifikuara, siç tregon dega e Vjosës, Langarica. Trupi ujor rrjedh përmes parkut kombëtar shqiptar Bredhi-Hotoves dhe në rrjedhën e tij janë ndërtuar e tri hidrocentrale. Serioziteti me të cilin qeveria ka përfshirë parkun kombëtar të Vjosës si zonë të mbrojtur jep shpresë për më mirë. Shqipëria është e përkushtuar të respektojë standardet ndërkombëtare”. Media “Frankfurter allgemeine” shprehet se rol të rëndësishëm në shpalljen e Vjosës park kombëtar ka shoqëria civile. Falë angazhimit të mbrojtësve të natyrës, lumi Vjosa është shpallur park kombëtar. Një moment historik për Shqipërinë, sepse shumë interesa ekonomike dhe politike e kundërshtuan atë. Edhe media angleze “The Guardian” e cilëson si moment historik për ruajtjen e një ekosistemi me mbi 1 000 specie, një pjesë e të cilave në rrezik zhdukjeje, në zemër të
Evropës. Ndërsa, “Reuters” e cilëson një fitore të mbrojtësve të mjedisit, që prej vitesh kanë luftuar përballë planeve për ndërtimin e hidrocentraleve përgjatë shtratit të lumit të fundit të egër të Evropës. Media franceze “Le novelle Du Monde” e cilëson vendimin si momentin, ku natyra mbizotëroi mbi interesat afatshkurtër njerëzore. Vjosa është 270 km i gjatë, nis në Greqi dhe përshkon Shqipërinë, duke përfunduar rrugëtimin në Adriatik. Në të janë identifikuar 1 100 specie, disa prej të cilave për herë të parë. Vendimi i qeverisë përfshin fillimisht shtratin e lumit Vjosa dhe tri degët kryesore të tij, Drinon, Bënçën dhe Shushicën. Gjithashtu planifikohet krijimi qendrës në parkut kombëtar, një ekip menaxhues nga vendi dhe rajoni, si dhe do punësohen edhe roje. Pas fazës së parë, në fazën e dytë, qeveria shqiptare do të përfshijë të gjitha degët dhe zonën përreth në parkut kombëtar. Një javë më parë, Qeveria e Shqipërisë e shpalli park kombëtar lumin Vjosa, që është lumi i fundit i egër në Evropë. Ky vendim u mor gjatë mbledhjes së ekzekutivit shqiptar më 13 mars dhe u bë publik nga ministrja e Mjedisit, Mirela Kumbaro. “Shpallja park kombëtar është kategoria e dytë e mbrojtjes, që është shumë më e lartë se ajo që kishte një vit më parë si park natyror. E kemi shtrirë këtë sipërfaqe mbrojtje në 12.727 hektarë, që është gjithë sipërfaqja ujore, bregore e lumit bashkë me sipërfaqen tokësore dhe tri degët e lumit
Vjosë, Drino, Bënçë, Shushicë, bëjnë atë që duhet atë që është sot parku i parë i një lumi të egër në Evropë”, - tha Kumbaro. Shpallja e lumit Vjosa park kombëtar nënkupton se nuk do të lejohet asnjë ndërtim që cenon lumin, përfshirë këtu edhe hidrocentralet që kanë shkaktuar debat në madh në Shqipëri, por kanë sjellë edhe reagimin e disa organizatave ndërkombëtare. Aktori i njohur Leonardo Di Caprio e përshëndeti vendimin për shpalljen e lumit Vjosa park kombëtar. Kujtojmë se Di Caprio është një ndër zërat më të fuqishëm që ka bërë fushatë për mbrojtjen e lumit Vjosa dhe shpalljen e tij park kombëtar. Ndërkohë, kryeministri Edi Rama ka reaguar në lidhje me jehonën që mediat ndërkombëtare i kanë dhënë shpalljes së lumit Vjosa park Kombëtar. “Jehona e Vjosës sonë park kombëtar në mediat e mëdha të botës i ka dhënë një fuqi të re imazhit ndërkombëtar të Shqipërisë, si një vend me bukuri të pafundme dhe vetëdije qeverisëse për përgjegjësinë monumentale të mbrojtjes së mjedisit në kushtet kur planeti vuan ndryshimet dramatike klimatike”, - shkruan Rama.