Afera e “Sterilizimit”/ Rektori i Universitetit të Mjekësisë, Arben Gjata paraqitet në SPAK
TIRANË - Rektori i Uni versitetit të Mjekësisë, Arben Gjata u paraqit ditën e djeshme në SPAK në zbatim të vendimit të gjykatës. Ndaj Rektorit të Universitetit të Mjekësisë është caktuar masa detyrim paraqitje pranë oficerit të Policisë Gjyqësore. Arben Gjata, i cili është edhe shefi i kirurgjisë është një nga personat e akuzuar për çështjen e koncesionit të sterilizimit. Në kohën kur u lidh koncesioni më dhjetor të vitit 2015, ai ka pasur detyrën e anëtarit të komisionit të koncesionit të sterilizimit. Kujtojmë që me urdhër të SPAK për koncesionin e sterilizimit me vlerë 100 milionë euro janë arrestuar ishzv.ministri i Shëndetësisë Klodjan Rjepaj dhe biznesmeni Ilir Rrapaj, pronari i kompanisë Investital LLC. Po ashtu ish-ministri i Shëndetësisë, Ilir Beqja dhe ai i
Financave, Shkëlqim Cani janë nën hetim nga Prokuroria e Posaçme për koncesionin kontrovers të sterilizimit të pajisjeve kirurgjikale, ndërkohë që ish-zv.ministri Klodian Rrjepaj dhe biznesmeni Ilir Rrapaj u arrestuan të enjten në zbatim të masave të arrestit të firmosura nga Gjykata e Posaçme thuajse dy muaj më parë. Sipas njoftimit zyrtar të SPAK, Rrjepaj akuzohet për veprat penale të “falsifikimit të dokumenteve” dhe “shpërdorimit të detyrës”, ndërsa biznesmeni Ilir Rrapaj për mashtrim me pasoja të rënda, parashikuar nga neni 143/3 i Kodit Penal.
SPAK njoftoi, gjithashtu, se ishin ekzekutuar gjashtë masa të tjera sigurie ndaj anëtarëve të komisionit të dhënies së koncesionit, dy prej të cilëve me arrest shtëpie dhe katër të tjerë me detyrim paraqitje pranë oficerit të Policisë Gjyqësore.