Megaoperacioni ndërkombëtar antidrogë “Muratori”, arrestohen 67 persona në Shqipëri dhe 4 shtete të tjera

“Janë sekuestruar 30 shoqëri tregtare në vend si dhe 5 milionë euro pasuri nga krimi” SPAK: U goditën 4 grupe kriminale që trafikonin kokainë, heroinë dhe hashah. E kishin shtrirë aktivitetin në të gjithë Europën

Katër grupe kriminale që trafikonin lëndë narkotike në disa shtete europiane, u goditën gjatë operacionit ndërkombëtar të koduar “Muratori”, i cili u realizua nga SPAK në bashkëpunim me Prokurorinë e Firences dhe në koordinim me EUROJUST. Në operacionin e Interpol, Europol, dhe Eurojust u arrestuan 67 persona të dyshuar, në Shqipëri, Itali, Gjermani, Spanjë, dhe Mbretërinë e Bashkuar, ndërsa ndaj 12 të dyshuarve të tjerë u ndërmorën masa të tjera parandaluese në Itali. Mësohet se rrjeti kryesisht trafikonte heroinë, kokainë, hashash duke përdorur makina me dysheme të dyfishtë ose ndarje të fshehta. Pas dy vite hetimesh, operacioni në fjalë çoi në sekuestrimin e pasurive në vlerën 5 milionë euro. Në Shqipëri janë sekuestruar: 32 subjekte tregtare, 45 automjete, 4 motomjete, mbi 200 llogari bankare, 19 pasuri të paluajtshme. Operacioni i koduar “Muratori” çmontoi një organizatë të strukturuar kriminale të natyrës transnacionale të përfshirë, në nivele të ndryshme, në aktivitete të trafikut të drogës në Itali dhe shtete të tjera të Bashkimit Evropian, si dhe në Shqipëri si dhe me tregtinë me pakicë të lëndëve narkotike në Firence. Në një konferencë të përbashkët me prokurorët e antimafias, prokurori i SPAK, Vladimir Mara tha kishin dokumentuar veprimtarinë e 4 grupeve kriminale që kishin shtrirë aktivitetin e tyre në pothuajse të gjithë Europën duke e furnizuar me sasi të konsiderueshme lëndës narkotike. Veç arrestimeve anëtarëve të grupeve kriminale u janë sekuestruar dhe pasuritë e vendosura në Shqipëri mes tyre 200 llogari bankare dhe 30 shoqëri tregtare e 18 pasuri të paluajtshme. Në kuadër të këtyre hetimeve është dhe operacioni i ndërmarrë më 27 qershor 2023 kur në Shqipëri u arrestuan 21 persona që trafikonin lëndën narkotike nga vendet e Lindjes së Mesme në Itali e BE. Mes të arrestuarve ishte dhe një polic i kufirit në Shkodër, Marash Gjoni.

Me datë 05.02.2024 është finalizuar operacioni i koduar “Muratori”, i zhvilluar në kuadër të procedimit penal nr.270 i vitit 2021, regjistruar për veprat penale të “Trafikimi i narkotikeve”, kryer në formën e posaçme të bashkëpunimit atë të grupit të strukturuar kriminal, “Grupi i strukturuar kriminal”,

“Pastrim i produkteve të veprës penale ose veprimtarisë kriminale” dhe “Kryerja e veprave penale nga organizata kriminale dhe grupi i strukturuar kriminal”, parashikuar nga nenet 28/4, 283/a, 287, 333/a dhe 334 të Kodit Penal. Hetimet e këtij procedimi penal janë kryer në kuadër të Skuadrës së Përbashkët Hetimore të krijuar ndërmjet Prokurorisë së Posaçme kundër Korrupsionit dhe Krimit të Organizuar dhe Prokurorisë së Firences, Seksioni Antimafia, Itali, me ndërmjetësimin e EUROJUST. Autoritetet italiane dhe shqiptare kanë ndërmarrë veprime kundër një rrjeti të madh të trafikut të drogës, që vepron në të dy vendet. Me mbështetjen e Eurojust-it dhe Europol-it në një operacion në shkallë të gjerë, sot në datën 05.02.2024 u arrestuan 67 të dyshuar, në Shqipëri, Itali, Gjermani, Spanjë, dhe Mbretërinë e Bashkuar, dhe

ndaj 12 të dyshuarve të tjerë u ndërmorën masa të tjera parandaluese në Itali. Rrjeti kryesisht trafikonte heroinë, kokainë, hashash duke përdorur makina me dysheme të dyfishtë ose ndarje të fshehta. Vitin e kaluar, gjatë një operacioni kundër të njëjtit grup të krimit të organizuar u arrestuan në Shqipëri 21 shtetas shqiptarë. Ky operacion çoi gjithashtu në sekuestrimin e një sasie narkotikësh me vlerë prej 2.7 milionë eurosh. Operacioni i sotëm ka çuar në sekuestrimin e pasurive në vlerën 5 milionë euro. Në Shqipëri janë sekuestruar: 32 subjekte tregtare, 45 automjete, 4 motomjete, mbi 200 llogari bankare, 19 pasuri te paluajtshme. Dy oficerë të Europolit u vendosën në Shqipëri dhe Itali gjatë ditës së operacionit për të mbështetur autoritetet kombëtare me masat e tyre hetimore. Operacioni i sotëm u krye në terren me kërkesë dhe me mbështetjen e autoriteteve

të mëposhtme: Itali: Zyra e Prokurorisë Publike të Firences; Korpusi i Karabinierëve me mbështetjen e Ministrisë së Punëve të Brendshme Italiane, Shërbimi i Bashkëpunimit Ndërko

mbëtar Policor; Shqipëri: Struktura e Posaçme Kundër Korrupsionit (SPAK); Policia e Shtetit; Agjencitë e zbatimit të ligjit të shtetit të Gjermanisë, Spanjës dhe Mbretërisë së Bashkuar.