Rritja e tarifës për patentën/ Autoshkollat hidhen në protestë, bojkotojnë punën në Tiranë dhe Elbasan
TIRANË/ ELBASAN Shoqata Kombëtare e Autoshkollave zhvilloi dje një protestë lidhur me kërkesat e tyre pas ndryshimeve të fundit që janë bërë sa i përket pagesave të lejeve të drejtimit dhe kohëzgjatjes së tyre. Përfaqësues të shoqatës thanë se këto ndryshime kanë shtuar shpenzimet e autoshkollave dhe se ata nuk janë dakord. Protesta u zhvillua në Drejtorinë e Përgjithshme të Shërbimeve të Transportit Rrugor ku u deklarua se me këto ndryshime janë shkelur të gjitha të drejtat e tyre dhe nuk po zbatohet Kodi Rrugor, nuk po zbatohen VKM-të, sikurse edhe marrëveshjet e kryera ndër vite me Ministrinë e Infrastrukturës.
Shoqata pretendon se ka pasur mënjanim dhe mosinformim në kohën e duhur si grup interesi që janë, para se vendimi të merrej nga institucionet përkatëse dhe se tarifat janë vendosur pa u diskutuar me ta. Mësohet se bojkoti në të gjitha drejtoritë ishte vetëm për ditën e djeshme. Ata lanë një afat deri në fundjavë, dhe nëse nuk merren masa, do të ketë një protestë të shtunën para kryeministrisë ku do të vijnë autoshkollat e vendit dhe do të ketë një përshkallëzim të protestës së tyre. Javën e kaluar, Drejtoria e Përgjithshme e Shërbimeve të Transportit Rrugor, ka bërë rishikim dhe indeksim për të gjitha shërbimet dhe tarifat që ofron. Në njoftimin e saj,
Drejtoria tha se për disa kategori ka rritje të vlefshmërisë së lejeve të drejtimit, në të njëjtën kohë edhe rritje të kostos. Teksa ditën e djeshme kanë hyrë në fuqi tarifat e reja për t’u pajisur me leje drejtimi, Shoqata e
Autoshkollave në Elbasan është hedhur në protestë. Ata bojkotuan punën duke mos u paraqitur në provimin e testimit. Kreu i shoqatës, Alim Lulaj e quajti tinëzare vendimin e ministrisë së linjës për të rritur tarifat e patentës,