“Sterilizimi”/ GJKKO zgjat me 1.5 muaj paraburgimin për ish-zv.ministrin Klodjan Rrjepaj dhe biznesmenin Rrapaj

SPAK i kërkoi Gjykatës së Posaçme 3 muaj

TIRANË - Gjykata e Posaçme pranoi dje pjesërisht kërkesën e SPAK për zgjatjen e afatit të paraburgimit për personat nën hetim për koncesionin e sterilizimit, Klodian Rjepaj, Ilir Rapaj, Marsela Serjani dhe Saimir Kadiu. GJKKO pranoi që hetimi për këtë dosje të zgjatet me 1 muaj e 15 ditë, jo 3 sa kishte kërkuar SPAK. Vetëm dy ditë më parë, SPAK i sekuestroi pasuritë biznesmenit Ilir Rrapaj. Bëhet fjalë për 2 kompani, 40% të aksione në një shoqëri tregtare, llogari bankare me vlerë 295 mijë euro, 13 makina e apartament në Vlorë. Hetimi ndaj koncesionit të sterilizimit bën fjalë për shkeljet e pretenduara nga SPAK, në koncesionin e sterilizimit me vlerë 100 milionë euro dhe afat 10-vjeçar, të fituar nga biznesmeni Ilir Rrapaj tashmë i arrestuar bashkë me ish-zv.ministrin e Shëndetësisë, Klodian Rrjepaj. Pas hetimeve të nisura në 1 janar të viti 2020, SPAK pretendon se ka gjetur elementë të veprave penale “Shpërdorim detyre” e “Falsifikim dokumentesh” nga zyrtarët, ku përfshihen, ish-zv.ministri Klodian Rjepaj, Saimir Kadiu, drejtor ekonomik dhe Marsela Serjanaj drejtoreshë juridike në Ministrinë e Shëndetësisë.

“1. Prokuroria e Posaçme kundër Korrupsionit dhe Krimit të Organizuar më datë 06.02.2024 ka paraqitur pranë Gjykatës kërkesën me objekt: Zgjatjen e afatit të paraburgimit me tre muaj për personat nën hetim Klodian Rjepaj, Ilir Rrapaj, Marsela Serjani dhe Saimir

Kadiu.

2. Në përfundim të gjykimit, Gjykata e Posaçme e Shkallës së Parë për Korrupsionin dhe Krimin e Organizuar me trup gjykues të përbërë