Transparenca e bashkive ndaj publikut, 71% e tyre në nivele mesatare ose të ulët
Në vitin 2023, 29 për qind e njësive të vetëqeverisjes vendore patën transparencë proaktive të lartë
Numri i bashkive dhe qarqeve që kanë bërë një përpjekje për të përmirësuar transparencën ka ardhur në rritje por akoma shumica mbetet në nivele mesatare, të ulëta ose shumë të ulëta. Indeksi i Transparencës Pro Aktive që publikohet nga Komisioneri për të Drejtën e Informimit dhe Mbrojtjen e të Dhënave Personale ka dalë në përfundimin se për vitin 2023 janë të paktën 29 për qind e njësive të vetëqeverisjes vendore që kanë transparencë proaktive të lartë.
“Në përfundim të monitorimit të transparencës proaktive vërejmë se 21 njësi të vetëqeverisjes vendore janë klasifikuar me transparencë proaktive të lartë dhe në semafor janë shënuar me dritë të gjelbër, ndërsa 43 institucione të njësive të vetëqeverisjes vendore janë klasifikuar me transparencë proaktive mesatare dhe në semafor janë shënuar me dritë të bardhë; 6 njësi të vetëqeverisjes vendore janë renditur me transparencë proaktive të ulët dhe në semafor janë shënuar me dritë të verdhë; vetëm 3 njësi të vetëqeverisjes vendore janë klasifikuar me transparencë proaktive shumë të ulët dhe në semafor shënohen me dritë të kuqe.
Në krahasim me gjetjet e vitit të kaluar, kemi konstatuar rritje të transparencës tek njësitë e vetëqeverisjes vendore me semafor të gjelbër nga 21 % në vitin e kaluar në 29 % për këtë vit çka shënon dhe përmirësimin më të dukshëm të bërë nga të gjithë vitet e kaluara, në transparencën proaktive të autoriteteve publike të njësive të vetëqeverisjes vendore” thuhet në publikimin e Komisionerit. Por cilët janë në fakt elementët që merren parasysh gjatë monitorimit dhe që ndërtojë këtë indeks për njësitë vendore?
Janë të paktën dhjetë tregues që vlerësohen duke nisur nga programi i transparencës që duhet të ketë çdo Bashki për të shkuar më pas tek vendimet e Këshillit Bashkiak, jetëshkrimi i titullarit institucionit apo kryebashkiakut, struktura apo organika e institucionit, raporte të auditit, parashikimi i prokurimeve dhe programi buxhetor afatmesëm,
Koordinatori për të drejtën e informimit, regjistri i kërkesave dhe përgjigjeve, legjislacioni dhe në fund koordinatori për konsultimet me publikun. Secili prej këtyre treguesve kur është i plotësuar vlerësohet me 1 pikë , i realizuar pjesërisht me 0.5 pikë dhe kur nuk ekziston me zero pikë./ MONITOR
Nga Turqia numri i personave që kanë kërkuar leje pune është 1004. Në vendin e dytë radhitet Bangladeshi, me 722 persona. Në vendin e tretë Serbia me 465 persona. Në vendin e katërt Shqipëria, me 440 persona. Kosova ka lëshuar mbi 3,600 leje të punës për shtetasit e huaj përgjatë vitit 2023. Instituti GAP ka njoftuar se krahasuar me vitin 2022, ka pasur një rritje prej 22.4 për qind të numrit të lejeve të lëshuara. Të dhënat tregojnë se janë 10 shtete që prijnë me numrin e personave që kanë kërkuar leje pune në Kosovë, e ku më së shumti ka qytetarë nga Turqia. Nga Turqia në vitin 2023, numri i personave që kanë kërkuar leje pune është 1004. Në vendin e dytë radhitet Bangladeshi, gjithsej me 722 persona që kanë kërkuar punë. Në vendin e tretë radhitet Serbia me 465 persona. Në vendin e katërt Shqipëria, me 440 persona që kanë kërkuar leje pune. Maqedonia e Veriut radhitet në vendin e pestë, me 210 persona, kurse nga SHBA numri është 144 persona. Shteti i Filipineve radhitet në vendin e shtatë me 70 persona, Gjermania në vendin e tetë me 61 persona, Mali i Zi në vendin e nëntë me 43 persona. Lista përfundon me shtetin e Italisë, me 36 persona që kanë kërkuar leje pune në Kosovë. Ndërkaq, punëtorët e Kosovës për shkak të kushteve jo të mira të punës, mungesa sigurimeve shëndetësore dhe pagat e ulëta kanë shtyrë të braktisin Kosovën dhe të punojnë në vende të ndryshme të Evropës. Një numër i madh i të rinjve është larguar nga Kosova për gjatë këtyre viteve. Kurse, vetëm gjatë këtij viti, kur Kosova ka marr liberalizimin e vizave po llogaritet që kanë ikur afro 150 mijë punëtorë. “Ne kemi paralajmëruar si Sindikatë se mund të kemi rreth 150 mijë punëtorë që do të largohen, megjithatë nuk duhet të japim shifra. Por shifrën që e kemi dhënë për gjatë gjithë vitit, vetëm për një muaj kemi pasur ikje 140 mijë vetëm gjatë janarit. Vetëm nga aeroporti 230 mijë dalje por duke e konsideruar që 50% të tyre kthehet, 25% kanë shkuar të themi tek familjarët e tyre, pjesa tjetër mbetet shqetësuese dhe ne jemi shumë të indinjuar, edhe pronarët e kompanive sepse ata e kanë parë seriozitetin e kësaj pune”, ka deklaruar kryetari i Sindikatës së Sektorit privat të Kosovës, Jusuf Azemi./ MONITOR