Akuzohet se do të pastronte 18,3 mln euro të mafias italiane, kalon për gjykim dosja ndaj biznesmenit Rezart Taçi
Biznesmeni i hidrokarbureve është shpallur në kërkim ndërkombëtar si pjesë e një grupi kriminal
Prokuroria e Posaçme ka dërguar për gjykim dosjen e biznesmenit Rezart Taçi, i cili akuzohet për pastrim para dhe si pjesë e një grupi të strukturuar kriminal. Biznesmeni i hidrokarbureve është shpallur në kërkim ndërkombëtar si pjesë e një grupi kriminal, me të cilin akuzohet se pastroi 18,3 milionë euro të mafias italiane “Cosa Nostra”. Procesi ndaj biznesmenit ishte pezulluar për një vit për shkak se ai nuk është gjetur për t’u arrestuar në zbatim të një mase sigurie “arrest në burg” dhënë në mungesë ndaj tij. GJKKO pranoi dje kërkesën e SPAK për biznesmenin në arrati, ndaj të cilit rëndojnë akuzat për “pastrim parash” dhe “grup të strukturuar kriminal”. SPAK ka arritur në përfundimin se Taçi me kuantin dhe shoferin e tij, Artur Balla dhe Bledar Lilo, në bashkëpunim me italianët Francesco Zummo, Fabio Petruzzella, Daniele Cestagalli kanë organizuar një skemë për pastrimin e parave në disa vende të botës, përfshirë këtu edhe Shqipërinë. Të tre italianët së bashku me Rezart Taçin po gjykohen në një proces që ka nisur tashmë në Itali. 18.4 mln euro të mafies italiane ‘Cosa Nostra’ u bllokuan në një bankë në Shqipëri në nëntor 2021 dhe më pas u konfiskuan. SPAK thotë se Taçi do pastronte patarë përmes lëvizjes në disa banka në disa shtete dhe do merrte përqindjen. Nga hetimet e SPAK thuhet se Balla dhe Lilo kanë pasur një rol aktiv për të ndihmuar italianët Francesco Zummon dhe ekonomistin Fabio Petruzzella-n të hapnin llogari bankare dhe të bënin transferta parash për pastrimin e tyre. Ndihma që biznesmeni i naftës Rezart Taçi ka dhënë për transferimin dhe fshehjen e shumës monetare është bërë kundrejt premtimit për përfitimin monetar në masën 16 %, në raport me shumën e transferuar në Shqipëri e cila që do të vijonte të transferohej në vende të tjera me qëllim fshehjen e origjinës. Deri më tani për këtë çështje Bledar Lilo e Artur Balla janë dënuar përkatësisht me 6 vjet e 8 muaj dhe 7 vjet e 4 muaj burgim.
NJOFTIMI I SPAK
Prokuroria e Posaçme Kundër Korrupsionit dhe
Krimit të Organizuar më datë 02.12.2022 ka paraqitur pranë Gjykatës kërkesën me objekt: Dërgimin për gjykim të procedimit penal nr. 211, të vitit 2021 të Prokurorisë së Posaçme kundër Korrupsionit dhe Krimit të Organizuar, kundër të pandehurit: Rezart Taçi, akuzuar për kryerjen e veprave penale “Pastrimi i produkteve të veprës penale ose veprimtarisë kriminale”, “Grupi i strukturuar kriminal” dhe “Kryerja e veprave nga grupi i strukturuar kriminal”, parashikuar nga nenet 287, paragrafi 1, shkronjat “a”,
“b” dhe “dh” në lidhje me nenet 28/4, si dhe me nenet 333/a/2 dhe 334/1 të K.Penal.
Në përfundim të gjykimit, Gjykata e Posaçme e Shkallës së Parë Për Korrupsionin dhe Krimin e Organizuar, me trup gjykues të përbërë nga gjyqtare Flojera Davidhi, bazuar në nenin 332/dh, pika 1, gërma a), 332/ ë, 332/gj dhe nenin 13, pika 3 të K.Pr.Penale, vendosi:
1.Pranimin e kërkesës së Prokurorisë së Posaçme kundër Korrupsionit dhe Krimit të Organizuar.
2.Dërgimin për gjykim të procedimit penal nr. 211, të vitit 2021 të Prokurorisë së Posaçme kundër Korrupsionit dhe Krimit të Organizuar, kundër të pandehurit: Rezart Taçi, akuzuar për kryerjen e veprave penale “Pastrimi i produkteve të veprës penale ose veprimtarisë kriminale”, “Grupi i strukturuar kriminal” dhe “Kryerja e veprave nga grupi i strukturuar kriminal”, parashikuar nga nenet 287, paragrafi 1, shkronjat “a”,
“b” dhe “dh” në lidhje me nenet 28/4, si dhe me nenet 333/a/2 dhe 334/1 të K.Penal, trupit gjykues të themelit të Gjykatës së Posaçme të Shkallës së Parë për Korrupsionin dhe Krimin e Organizuar.
3.Fashikulli i gjykimit, bazuar në nenin 332/ë të K.Pr.Penale, përbëhet nga aktet e ndodhura në dosjet hetimore (16 të tilla), me përjashtim të procesverbaleve që pasqyrojnë deklarimet e dhëna nga personat që kanë dijeni për veprën penale, deklarimet e bëra nga personat nën hetim apo të pandehurit në procedim të lidhur.
4.Rrëzimin e kërkesës së bërë nga kërkuesi Rezart Taçi, për pushimin e procedimit penal nr. 211 të vitit 2121, të regjistruar nga SPAK në ngarkim të shtetasit Rezart Taçi, si të pambështetur në prova dhe në ligj.
5.Rrëzimin e kërkesës për revokimin e vendimit nr. 93 Akti, datë 07.11.2021 të Gjykatës së Shkallës së Parë kundër Korrupsionit dhe
HETIMET E SPAK
Sipas SPAK tre të pandehurit italianë në bashkëpunim me Rezart Taçin, kunatin e tij Artur Balla dhe ish-shoqëruesin e biznesmenit kanë organizuar një skemë komplekse financiare të paligjshme, të shtrirë në disa shtete, me qëllim pastrimin e milionave eurove. Sipërmarrësi 90vjeçar nga Palermo, Francesco Zummo dhe kontabilisti Fabio Petruzzella, të dy nën akuzë kanë mbërritur në Shqipëri në qershor të 2021-it. Në ditët në vijim u hapën disa llogari bankare në Shqipëri, ndërsa në një bankë të nivelit të dytë u transferuan 18,3 milionë euro në një llogari të vetme, të konfiskuara tashmë me vendim gjyqësor të formës së prerë.
Krimit të Organizuar, dhënë ndaj shtetasit Rezart Taçi të masës së sigurisë “Arrest në burg” si të pabazuar në prova dhe në ligj.
Shpenzimet gjyqësore siç janë bërë.
-Kundër vendimit për dërgimin e çështjes në gjyq, nuk lejohet ankim. — Kundër vendimit për rrëzimin e kërkimeve të paraqitura nga i pandehurit Rezart Taçi mund të bëhet ankim në Gjykatën e Posaçme të Apelit për Korrupsionin dhe Krimin e Organizuar, brenda 5 ditëve, duke filluar ky afat nga e nesërmja e njoftimit të vendimit të arsyetuar.