Sondazhi për nismën e qeverisë/ 72% e pjesëmarrësve janë kundër vizitave me pagesë në spitalet publike

Votuesit: Shqiptarët do të detyrohen të paguajnë më shumë nga xhepi për të marrë shërbim shëndetësor

Sondazhi i zhvilluar nga “Monitor” në faqen e internetit dhe rrjetet sociale tregoi se shumica e pjesëmarrësve janë kundër nismës së qeverisë për të lejuar kryerjen e vizitave mjekësore me pagesë në spitalet shtetërore, pas orarit zyrtar të punës. Sipas rezultateve, më shumë se 72% e votuesve u shprehën se nuk janë dakord me një nismë të tillë. 43% e pjesëmarrësve u shprehën se një nismë e tillë do të detyrojë shqiptarët të paguajnë më shumë nga xhepi për të marrë shërbim shëndetësor. Ndërsa 29% e pjesëmarrësve u shprehën se një nismë e tillë do të ulë cilësinë e shërbimit shëndetësor falas, duke qenë se mjekët mund të jenë më të interesuar për të kryer vizita pas orarit zyrtar të punës. Vetëm një pakicë prej më pak se 28% e votuesve u shprehën në favor të kësaj nisme. Sipas rezultateve të sondazhit, 17% e votuesve u shprehën dakord, sepse kjo masë do të motivojë më shumë mjekët. Ndërsa 11% e votuesve u shprehën në favor, sepse kjo masë do të ulë korrupsionin në spitale.

Nisma për të lejuar mjekët të kryejnë vizita me pagesë në disa spitale publike, pas orarit zyrtar, u prezantua në fillim të këtij muaji nga Kryeministri, Edi

Rama, si pjesë e të drejtave të spitaleve që kanë fituar kartën e autonomisë menaxheriale.

Deri tani, autonomia menaxheriale i është njohur Qendrës Spitalore Universitare “Nënë Tereza” (QSUT) dhe spitaleve të Durrësit, Shkodrës, Lezhës dhe Vlorës. Mjekët që do të nënshkruajnë kontratë të posaçme me spitalin ku punojnë do të mund të zhvillojë vizita me pagesë jashtë orarit zyrtar të punës dhe të ardhurat do të ndahen mes mjekut dhe spitalit. Pritet që kjo skemë të zbatohet së pari, në QSUT dhe tarifat e vizitave me pagesë do të përcaktohen nga bordi drejtues i spitalit.

Sipas të dhënave nga Organizata

Botërore e Shëndetësisë (OBSH) në vitin 2021 një shqiptar ka shpenzuar mesatarisht për shëndetin 465 dollarë. Pothuajse 60% e kësaj shume ka dalë direkt nga xhepi i qytetarëve, ndërsa më pak se 40% është mbuluar nga buxheti i shtetit.

Përveçse janë në nivele shumë të larta, shpenzimet e shqiptarëve nga xhepi për

SONDAZHI I MONITOR

Sipas rezultateve, më shumë se 72% e votuesve u shprehën se nuk janë dakord me një nismë të tillë. 43% e pjesëmarrësve u shprehën se një nismë e tillë do të detyrojë shqiptarët të paguajnë më shumë nga xhepi për të marrë shërbim shëndetësor. Ndërsa 29% e pjesëmarrësve u shprehën se një nismë e tillë do të ulë cilësinë e shërbimit shëndetësor falas. Vetëm një pakicë prej më pak se 28% e votuesve u shprehën në favor të kësaj nisme. 17% e votuesve u shprehën dakord, sepse kjo masë do të motivojë më shumë mjekët. Ndërsa 11% e votuesve u shprehën në favor, sepse kjo masë do të ulë korrupsionin në spitale.

SHPENZIMET E SHQIPTARËVE PËR SHËNDETIN

Sipas të dhënave nga Organizata Botërore e Shëndetësisë (OBSH) në vitin 2021 një shqiptar ka shpenzuar mesatarisht për shëndetin 465 dollarë. Pothuajse 60% e kësaj shume ka dalë direkt nga xhepi i qytetarëve, ndërsa më pak se 40% është mbuluar nga buxheti i shtetit. Përveçse janë në nivele shumë të larta, shpenzimet e shqiptarëve nga xhepi për shëndetësinë janë rritur nga niveli 57.3% i vitit 2015 dhe 49.3% i vitit 2005. OBSH përllogarit se ndërmjet 2015 – 2021 shpenzimet e shqiptarëve për shëndetësinë u rritën me 82%. Gjatë kësaj periudhe, pandemia Covid-19 duket se ka dhënë ndikim jo të zakontë. shëndetësinë janë rritur më tej nga niveli 57.3% i vitit 2015 dhe 49.3% i vitit 2005.

OBSH përllogarit se ndërmjet 2015 – 2021 shpenzimet e shqiptarëve për shëndetësinë u rritën me 82%. Gjatë kësaj periudhe, pandemia Covid-19 duket se ka dhënë një ndikim jo të zakontë.

Shqipëria mban rekord shpenzimet më të larta nga xhepi për shëndetësinë në rajonin e Ballkanit perëndimor dhe në të gjithë Europën, me përjashtim të disa vendeve të ish-Bashkimit Sovjetik. Në rajon, e dyta pas Shqipërisë renditet Maqedonia e Veriut, me 41.7% të shpenzime për shëndetësinë nga xhepi i pacientëve, e ndjekur nga Mali i Zi, me 38.1%, Serbia, me 35.8 dhe Bosnjë-Hercegovina, me 30.7%. Në vendet me të ardhura të larta, ky tregues është më i ulët se 20%./ MONITOR