Berisha: 20 shkurti, dita e të gjithë shqiptarëve që duan t’i dalin zot kombit

Kreu i opozitës në ditën e 45 të arrestit të shtëpisë, i flet qytetarëve “Regjim i narkodiktaturës së Edi Ramës”

Vijon për të 45-tën ditë radhazi tubimi i organizuar në mbështetje të liderit të opozitës poshtë banesës të tij në rrugën e quajtur tashmë si “Rruga e shpresës”. Demokratët vijojnë të mbeten të solidarizuar dhe të mbajnë mbajtur fjalime duke kundërshtuar masën e sigurisë të dhënë nga regjimi i narkodiktaturës së Ramës për kryetarin e PD, Sali Berisha.

Berisha ka falënderuar mbështetësit e tij përmes fjalimeve që ka mbajtur nga dritarja e banesës.

Kryetari i PD, Prof. Dr. Sali Berisha u bëri thirrje qytetarëve që po tubojnë poshtë banesës së tij që të mbajnë 1 minutë heshtje për opozitarin e pamposhtur ndaj regjimit diktatorial, barbar të Vladimir Putinit, Alexei Navalnyt. Kryetari i opozitës, Sali Berisha, i bëri thirrje shqiptarëve që të mblidhen më 20 shkurt për t’i dalë zot kombit. Kryedemokrati tha se, ky proces shkatërrimtar nuk duhet pranuar mbi qenien tonë kombëtare. Berisha, tha në tubimin e mbrëmjes së djeshme, se këto 10 vite, shqiptarët janë rrokullisur në mënyrë të pamëshirshme nga qeverisja e Edi Ramës. Berisha tha se, si në asnjë vend tjetër të Europës, pushteti përdoret vetëm për të vjedhur.

Kryetari i PD, Sali Berisha, duke folur sot përpara përkrahësve, tha se, më 20 shkurt do të marrë përgjigje Edi Rama për aferën e tij me Charles McGonigal.

Berisha tha se, 20 shkurti është dita e shqiptarëve, është dita e atdhetarëve.

Kryetari i PD, Sali Berisha tha se, edhe në praninë e sekretarit Blinken, për këtë bufator të Beogradit nuk ishte Serbia problemi i rajonit, por ishte Kosova.

Berisha iu drejtua Ramës, o tradhtar, 20 shkurti po vjen!

FJALA FJALA E E PLOTË PLOTË

Të dashur qytetare dhe qytetarë, qëndrestare dhe qëndrestarë, misionarë të vërtetë të dinjitetit njerëzor, të guximit, kurajës, misionarë të shpresës dhe të ardhmes tonë.

Një përshëndetje të përzemërt ju dhe mbarë qytetarëve shqiptarë që shohin 20 shkurtin si ditën e ngadhënjimit, si ditën e triumfit të dinjitetit të qytetarit shqiptar, triumfit të Shqipërisë dhe kombit tonë. Miqtë e mi!

Në këtë fjalë dua të shpreh nderimin tim më të thellë për veprën e pavdekshme të disidentit, opozitarit të pamposhtur ndaj regjimit diktatorial, barbar të Vladimir Putinit, Alexei Navalnyt. Për çdo njeri që lufton për liri dhe dinjitet, Alexei Navaly do të mbetet frymëzimi i tij. Ai kaloi jo njëherë, por disa herë nga vdekja në vdekje dhe kurrë nuk pushoi së luftuari