Privatizimi i fabrikës “Buka”/ Ndodhet në arrati, GJKKO pezullon për 1 vit procesin gjyqësor ndaj Arben Ahmetajt
TIRANË - Gjykata e Posaçme kundër Korrupsionit dhe Krimit të Organizuar ka pezulluar me një vit gjyqin paraprak ndaj ish-zëvendëskryeministrin Arben Ahmetaj për dosjen “Buka sha”. Shkak për pezullimin është bërë fakti se Ahmetaj, i cili është nën akuzë nga SPAK për shpërdorim detyre, ndodhet në arrati dhe gjyqi nuk mund të bëhet në mungesë të tij. Gjykata ka konstatuar se ish-zv kryeministri i pandehur nuk ka marrë dijeni zyrtarisht për këtë proces ndaj tij. Nga ana tjetër, prokura që ka paraqitur në gjykim avokati i tij, Henrik Ligori ka qenë e hershme dhe nuk i jepte tagrin e nevojshëm për këtë gjykim. Ndërkohë që rezulton se akuza ndaj Arben Ahmetaj për çështjen e privatizimit të ish-ndërmarrjes shtetërore “Buka” u ngrit vjeshtën e vitit 2023, dhe për gjykatën neni 352 e ndalon gjykimin në mungesë nëse i dyshuari nuk ka marrë dijeni personalisht. Si rrjedhojë procesi gjyqësor për dosjen “Buka” pezullohet maksimalisht një vit, ndërsa policia urdhërohet të vijojë kërkimet për Ahmetajn. Nëse ky i fundit nuk gjendet edhe pas 365 ditësh, atëherë gjykimi sipas procedurës nis në mungesë. Sipas hetimeve të Prokurorisë së Posaçme, në kohën kur Ahemtaj mbante postin e ministrit të Financave, ai ka shpërdoruar detyrën duke kryer parregullsi në këtë proces dhe duka ia shitur fabrikën një biznesmeni, edhe pse shteti shqiptar ia kishte njohur më parë truallin ish-pronarëve. Në dosjen e siguruar nga mediat, SPAK rendit një sërë shkeljesh që janë bërë me dashje nga Ahmetaj, për privatizimin e “Buka” e cila sot njihet si qendra tregtare “Emerald”, që i solli një dëm prej 7 miliardë lekësh shtetit dhe