Mori nga dy persona 25 mijë euro për të ndikuar te gjyqtari për lehtësim dënimi, lihet në arrest shtëpie avokati
Petraq Semani akuzohet për ushtrim i ndikimit të paligjshëm ndaj personave që ushtrojnë funksione publike
Gjykata e Posaçme kundër Korrupsion it dhe Krimit të Organizuar ka vendosur masën “Arrest shtëpie” për avokatin Petraq Semani, i cili akuzohet se u mori rreth 25 mijë euro dy personave për të ndikuar tek gjyqtarët për lehtësim dënimi. Sipas SPAK, avokati ka marrë ndaj Ll.D. dhe S.D., shumën në fjalë, duke u premtuar se do të ndikojë tek gjyqtarët, të cilët po shqyrtonin çësh
HETIMET E SPAK
“Nisur nga hetimet e kryera në kuadrin e këtij procedimi penal, rezulton se ekzistojnë dyshime të arsyeshme të bazuara në prova se shtetasi Petraq Semani ka konsumuar elementë të veprës penale “Ushtrimi i ndikimit të paligjshëm ndaj personave që ushtrojnë funksione publike”, të parashikuar nga neni 245/1, paragrafi i dytë i Kodit Penal (para ndryshimeve me ligjin nr.43/2021)”,thuhet në njoftimin zyrtar të SPAK. tjen e Ll.D., i dënuar për plagosje të rëndë me dashje me pasojë vdekjen, për favorizimin e tij në masën e dënimit. “Nisur nga hetimet e kryera në kuadrin e këtij procedimi penal, rezulton se ekzistojnë dyshime të arsyeshme të bazuara në prova se shtetasi Petraq Semani ka konsumuar elementë të veprës penale “Ushtrimi i ndikimit të paligjshëm ndaj personave që ushtrojnë funksione publike”, thuhet në njoftimin zyrtar të SPAK.
Sipas SPAK, shuma prej 9550 euro nga Petraq Semani, është marrë në banesën e Ll.D, dhe kjo është regjistruar me audio dhe video nga rrethi familjar dhe shoqëror i këtij të fundit, më datë 6 mars 2019. Ndërsa, shuma tjetër sipas deklarimeve të S.D, janë dhënë më vonë në disa këste, deri në dhënien e vendimit përfundimtar gjatë fazës së rigjykimit në shkallën e parë. Më 11 shkurt të 2020, gjykata e Rrethit në Korçë, ka deklaruar fajtor të pandehurin Ll.D, për kryerjen e veprës penale të “Plagosjes së rëndë me dashje, me pasojë vdekjen”, dhe është dënuar 15 vjet burgim, e njëjta masë dënimi sikurse ishte dënuar më parë me vendimin e datës 8 janar 2018, po nga gjykata në Korçë. Ndërkohë, Petraq Semani akuzohet për veprën penale “Ushtrimi i ndikimit të paligjshëm ndaj personave që ushtrojnë funksione publike”.
NJOFTIMI I SPAK
Prokuroria e Posaçme Kundër Korrupsionit dhe Krimit të Organizuar Tiranë, ka regjistruar procedimin penal Nr. 257, të vitit 2021, për veprën penale të “Ushtrimit të ndikimit të paligjshëm ndaj personave që ushtrojnë funksione publike”, parashikuar nga neni 245/1/2 i Kodit Penal. Në analizë të veprimeve hetimore të kryera deri në këtë moment, rezulton se shtetasi Petraq Semani në cilësinë e avokatit i ka kërkuar dhe marrë shtetasve Ll.D. dhe S.D., një shumë monetare prej 25 000 (njëzetë e pesë mijë) euro, pasi i ka premtuar se do ushtrojë ndikim tek gjyqtarët e çështjes, të cilët po shqyrtonin çështjen në ngarkim të shtetasit Ll.D., për favorizimin e tij në masën e dënimit. Marrja e sasisë prej 9.550 (nëntë mijë e pesëqind e pesëdhjetë) euro, nga personi nën hetim P.S., në banesën e shtetasit Ll.D. është regjistruar me audio dhe video nga rrethi familjar dhe shoqëror i shtetasit Ll.D., regjistrim ky që mban datën 06.03.2019. Ndërsa pjesa tjetër e shumës së kërkuar, sipas deklarimeve të shtetases S.D., lidhur me deklarimet e shtetasve të tjerë që kanë dijeni për veprën penale, dhe të dhënat e Western Unionit, janë dhënë më vonë në disa këste, deri në dhënien e vendimit përfundimtar gjatë fazës së rigjykimit në shkallën e parë. Gjykata e Rrethit Gjyqësor Korçë, me vendimin nr. 41-2020-543(91), datë 11.02.2020, e ka deklaruar fajtor të pandehurin Ll.D. për kryerjen e veprës penale të “Plagosjes së rëndë me dashje, me pasojë vdekjen”, parashikuar nga neni 88/2 e 25, i Kodit Penal dhe dënuar me 15 (pesëmbëdhjetë) vjet burgim, (në të njëjtën masë dënimi sikurse ishte dënuar herën e parë me vendimin nr. 10, datë 08.01.2018, të Gjykatës së Rrethit Gjyqësor Korçë). Nga shuma e përfituar në mënyrë të paligjshme, shtetasi nën hetim P.S., i ka kthyer shtetases S.D., shumën prej 8000 (tetë mijë) Euro, ndërsa pjesën e mbetur nuk ia ka kthyer. Sa më sipër, nisur nga hetimet e kryera në kuadrin e këtij procedimi penal, rezulton se ekzistojnë dyshime të arsyeshme të bazuara në prova se shtetasi P.S., ka konsumuar elementë të veprës penale “Ushtrimi i ndikimit të paligjshëm ndaj personave që ushtrojnë funksione publike”, të parashikuar nga neni 245/ 1, paragrafi i dytë i Kodit Penal (para ndryshimeve me ligjin nr.43/2021). Me kërkesë të Prokurorisë së Posaçme, Gjykata e Posaçme e Shkallës së Parë për Korrupsionin dhe Krimin e Organizuar, me vendimin nr. 15, datë 18.02.2024, ka vendosur: Caktimin e masës së sigurimit personal me karakter shtrëngues “Arrest në shtëpi”, parashikuar nga neni 237 i K.Pr.Penale, ndaj shtetasit;
P.S., hetuar për veprën penale “Ushtrimi i ndikimit të paligjshëm ndaj personave që ushtrojnë funksione publike”, të parashikuar nga neni 245/1, paragrafi i dytë i Kodit Penal (para ndryshimeve me ligjin nr.43/2021). Masa e mësipërme është ekzekutuar nga shërbimet e policisë gjyqësore të Drejtorisë së Përgjithshme të Policisë së Shtetit, në datën 19.02.2024.