I shkaktuan shtetit 3 mln euro dëm me skemën e mashtrimit me TVSH, arrestohen 2 persona në Elbasan
Policia: Sajmir Xhafa dhe Julian Kalo bashkëpunuan me 5 persona të tjerë
Dy persona janë ndalu ar nga policia në El basan, pasi ishin shpallur në kërkim vitin e kaluar, me akuzat se kanë lëshuar fatura fiktive, në një biznes për shitjen me shumicë të metaleve, me qëllim përfitimin nga TVSH-ja. Bëhet fjalë për 38-vjeçarin Sajmir Xhafa dhe 46-vjeçarin Julian Kalo, të cilët i kanë shkaktuar shtetit një dëm prej 3 mln eurosh. Në nëntor të vitit të kaluar u arrestua administratori i firmës, Adnand (Andre) Progri, ndërsa u lëshuan urdhër arreste edhe për Nezir Beqirin, Erion Satkën, Teidi Doraci, dhe një shtetas italian, Aldo Mazzarela. Sipas burimeve nga Policia, këta 7 persona i kanë shkaktuar shtetit 3 milionë euro dëm, pasi krijuan një skemë fiktive të mashtrimit përmes tatimit mbi vlerën e shtuar. Baza e tyre e mashtrimeve ishte shtrirë në 3 qytete, Elbasan, Durrës dhe Tiranë, ndërsa hetimi i prokurorisë së Elbasanit i nxori zbuluar. Sipas prokurorisë, personat e përfshirë në këtë aktivitet kriminal, pasi gjenin biznese të ndryshme, një pjesë të së cilëve i krijonin vetëm si emër, pa ekzistuar në realitet, kryenin prerje të faturave fiktive duke i shkaktuar dëm të konsiderueshëm shtetit nga përfitimet e rimbursimit. Personat e përfshirë në skemën mashtruese akuzohen për veprat penale “Fshehja e të ardhurave” dhe “Krijimi i skemave mashtruese
SKEMA E MASHTRIMIT
Sipas burimeve, 7 persona në bashkëpunim me njëritjetrin i kanë shkaktuar shtetit 3 milionë euro dëm, pasi krijuan një skemë fiktive të mashtrimit përmes tatimit mbi vlerën e shtuar. Baza e tyre e mashtrimeve ishte shtrirë në 3 qytete, Elbasan, Durrës dhe Tiranë, ndërsa hetimi i prokurorisë së Elbasanit i nxori zbuluar lidhur me tatimin mbi vlerën e shtuar”.
NJOFTIMI I POLICISË
Ekzekutohen urdhrat e ndalimit për 2 shtetas që akuzohen se kanë lëshuar fatura me vlera fiktive, në një biznes për shitjen me shumicë të metaleve, me qëllim përfitimin nga TVSH-ja. Në muajin nëntor 2023, Policia e Elbasanit goditi këtë veprimtari kriminale dhe arrestoi administratorin e biznesit. Specialistët e Seksionit për Hetimin e Krimeve Ekonomiko-Financiare të DVP Elbasan ekzekutuan urdhrat për ndalimin e shtetasve në kërkim S.Xh., 38 vjeç dhe J K., 46 vjeç, të dy banues në Tiranë. Ata akuzohen për veprat penale “Krijimi i skemave mashtruese lidhur me tatimin mbi vlerën e shtuar” dhe “Fshehja e të ardhurave”, pasi dyshohet se në bashkëpunim me shtetas të tjerë, nëpërmjet një biznesi për shitjen me shumicë të metaleve, lëshonin fatura të mallrave, me vlera fiktive, që të mashtronin lidhur me TVSH-në, me qëllim përfitimin ekonomik. Në muajin nëntor 2023, për këtë rast u arrestua administratori i biznesit, shtetasi A.P., 62 vjeç, banues në Tiranë. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.