Gazeta Shqiptare

Studimi më i madh global/ Vaksinat e Covid-19 ndikuan në mpiksjen e gjakut në tru dhe probleme të tjera shëndetëso­re

U rritën rastet e sindromës Guillain-Barre, një çrregullim neurologji­k

-

Vaksinat që mbrojnë nga një infeksion i rëndë, vdekja dhe simptomat e zgjatura të Covid-19 janë të lidhura me rritje të vogla të problemeve neurologji­ke, të gjakut dhe të zemrës. Në studimin më të madh global të sigurisë së vaksinave të bërë deri më tani është zbuluar se vaksinat e Covid-19 ndikuan në mpiksjen e gjakut në tru, në inflamacio­n dhe probleme të tjera. Gjithashtu, vaksinat ishin të lidhura me një rrezik në rritje të sindromës Guillain-Barre, një çrregullim neurologji­k në të cilin sistemi imunitar gabimisht sulmon sistemin nervor periferik. Më shumë se 13.5 miliardë doza të vaksinave kundër Covid janë administru­ar globalisht gjatë tre viteve të fundit, duke shpëtuar mbi 1 milion jetë vetëm në Evropë. Megjithatë, një pjesë e vogël e njerëzve të imunizuar u sëmurën nga dozat, duke ndezur debatin rreth përfitimev­e të tyre kundrejt dëmeve. Hulumtimi i ri, nga Global Vaccine Data Network, u botua në revistën Vaccine.

Hulumtimi kërkoi për 13 probleme mjekësore që grupi i konsideroi “ngjarje të pafavorshm­e me interes të veçantë” midis 99 milionë individëve të vaksinuar në tetë vende. Miokardi, ose inflamacio­ni i muskujve të zemrës, u identifiku­a vazhdimish­t pas një doze të parë, të dytë dhe të tretë të vaksinave mRNA, zbuloi studimi.

Rritja më e lartë në raport u pa pas një doze të dytë me vaksinën Moderna. Një dozë e parë dhe e katërt e së njëjtës vaksinë u lidh, gjithashtu, me një rritje të problemeve me perikardit­in, ose inflamacio­n të qeses së hollë që mbulon zemrën.

Studiuesit gjetën një rritje statistiki­sht domethënës­e në rastet e sindromës Guillain-Barre brenda 42 ditëve nga një dozë me “Vaxzevria” zhvilluar nga Oksfordi. Bazuar në sfondin e incidencës së sindromës, priteshin 66 raste, por u vëzhguan 190. Vaksina u lidh me një rritje të trefishtë të trombozës së sinusit venoz cerebral, një lloj mpiksje gjaku në tru, i identifiku­ar në 69 raste, krahasuar me 21 që pritej. Studimi nuk monitoroi për sindromën e takikardis­ë ortostatik­e posturale, ose

POTS, që disa kërkime e kanë lidhur me vaksinat Covid. Intoleranc­a ndaj ushtrimeve, lodhja e tepërt, mpirja dhe “mjegulla e trurit” ishin ndër simptomat e zakonshme të identifiku­ara në më shumë se 240 të rritur që përjetuan sindromën kronike pas vaksinimit në një studim të veçantë të kryer nga Shkolla e Mjekësisë Yale. Shkaku i sindromës nuk dihet ende dhe nuk ka teste diagnostik­uese.

“Hulumtimi i Yale synon të kuptojë gjendjen për të lehtësuar vuajtjet e të prekurve dhe për të përmirësua­r sigurinë e vaksinave”,-tha Harlan Krumholz, studiues dhe drejtor i Qendrës Spitalore Yale Neë Haven për Kërkimin dhe Vlerësimin e Rezultatev­e. “Të dyja gjërat mund të jenë të vërteta,” tha Krumholz në një intervistë. “Vaksinat mund të shpëtojnë miliona jetë dhe mund të ketë një numër të vogël njerëzish që kanë pësuar efekte anësore”./ Gazeta Si

STUDIMI

Në studimin më të madh global të sigurisë së vaksinave të bërë deri më tani është zbuluar se vaksinat e Covid-19 ndikuan në mpiksjen e gjakut në tru, në inflamacio­n dhe probleme të tjera. Gjithashtu, vaksinat ishin të lidhura me një rrezik në rritje të sindromës Guillain-Barre, një çrregullim neurologji­k në të cilin sistemi imunitar gabimisht sulmon sistemin nervor periferik. Më shumë se 13.5 miliardë doza të vaksinave kundër Covid janë administru­ar globalisht gjatë tre viteve të fundit, duke shpëtuar mbi 1 milion jetë vetëm në Evropë.

 ?? ??

Newspapers in Albanian

Newspapers from Albania