TË DHËNAT E BSH
duke përjashtuar produktet që për nga natyra e tyre kanë luhatshmëri të lartë, kryesisht produktet ushqimore dhe ato energjetike. Qëllimi i inflacionit bazë është ta zhveshë rritjen e përgjithshme të çmimeve nga efektet e goditjeve të ofertës apo nga faktorë të tjerë me ndikim afatshkurtër. Inflacioni bazë po shfaq një ecuri edhe më mirë se parashikimet dhe në teori kjo sinjalizon një ulje të presioneve të qëndrueshme inflacioniste në ekonomi. Deri tani, shifrat po lëvizin në kahun e duhur dhe duket se mbështesin linjën e ndjekur nga Banka e Shqipërisë për të mos rritur më tej normat e interesit.
Norma bazë e interesit në Shqipëri ngelet në 3.25%, një nga nivelet më të ulëta në Europë. Megjithatë, pavarësisht sinjaleve inkurajuese nga inflacioni dhe sidomos ai bazë, në raportin e fundit të politikës monetare të publikuar
Sipas llogaritjeve të Bankës së Shqipërisë, për muajin janar inflacioni vjetor bazë zbriti në 2.9%, nga 3.2% që kishte qenë në dhjetor dhe 8.74% që kishte qenë në janar të vitit të kaluar. Inflacioni bazë ka pësuar rënie për të njëmbëdhjetin muaj radhazi dhe ka prekur nivelin më të ulët që prej muajit shkurt të vitit 2022. Ndërsa edhe inflacioni i të gjithë shportës së çmimeve të konsumit pësoi rënie në muajin janar, në nivelin 3.4%, inflacioni bazë është konfirmuar në nivele më të ulëta, madje poshtë objektivit të bankës qendrore. javën e kaluar Banka e Shqipërisë vlerësonte se rreziqet e rritjes së çmimeve në ekonominë shqiptare paraqiten në rritje.
Sipas Raportit të Politikës Monetare, në veçanti presionet e reja për rritje të çmimeve të naftës dhe të ushqimeve në prani të konflikteve rajonale prezantojnë rreziqe të reja për një inflacion global më të lartë por edhe për lindjen e efekteve të raundit të dytë në formën e rritjes së pritjeve inflacioniste. Paralelisht me to, presionet nga tregu i brendshëm i punës në Shqipëri mund të rezultojnë më të forta dhe më të qëndrueshme, duke shtyrë për lart trajektoren e parashikuar të inflacionit.
Sipas Bankës së Shqipërisë, punësimi ka vazhduar të rritet dhe norma e papunësisë ka rënë, ndërsa hendekët e prodhimit, të punës dhe të shfrytëzimit të kapaciteteve mbeten në kahun pozitiv. Tregu i shtrënguar i punës ka vijuar të nxisë rritjen e pagave në sektorin privat. Në përputhje me analizën dhe parashikimet e mësipërme, Këshilli Mbikëqyrës në mbledhjen e datës 7 shkurt vendosi të mbajë të pandryshuar normën bazë të interesit. Megjithatë, në deklaratë Këshilli theksoi se qëndrueshmëria e presioneve të brendshme inflacioniste dhe rreziqet e kahut të sipërm mbi inflacion kërkojnë monitorim të vazhdueshëm të situatës dhe reagim në kohë nga politika monetare, për të garantuar respektimin e objektivit të stabilitetit të çmimeve./ MONITOR