Vrau me 3 plumba 40-vjeçarin dhe më pas veten/ Fqinji: Dëgjova krisma, i pashë të shtrirë në rrugë

Ngjarja në Korçë/ Si u bë trashëgimia e një banese ‘mollë sherri’ mes autorit dhe viktimës

Një ngjarje e rëndë ndodhi dy ditë më parë në Korçë, ku si pasojë e një sherri për motive pronësie mbetën të vrarë Emiljano Pine dhe Ilo Lluka. Sipas burimeve policore, 61-vjeçari Lluka qëlloi për vdekje 40-vjeçarin Pine, dhe më pas me të njëjtën armë qëlloi dhe veten. Kjo për shkak të sherrit për pronësinë e shtëpisë. Mësohet se 61-vjeçari ka shkuar në lokalin ku Emiljano po pinte kafe, dhe pasi i ka kërkuar të dalë jashtë e ka qëlluar atë 3 herë duke e lënë të plagosur rëndë, ndërsa më pas me një plumb i ka dhënë fund dhe jetës së vet. Emiljano Pine, i cili njihej dhe me identitetin Jorgo Prifti humbi jetën gjatë transportimit për në spitalin e Korçës. “Në lidhje me ngjarjen e ndodhur në lagjen nr. 18, Korçë, ju informojmë se grupi hetimor pas veprimeve të kryera me qëllim zbardhjen e rrethanave të saj, ka bërë të mundur identifikimin e autorit të dyshuar të ngjarjes, që qëlloi me armë zjarri 40vjeçarin E. P., i cili humbi jetën dhe më pas vrau edhe veten me armën e krimit. Konkretisht autori është shtetasi I. Ll., 61 vjeç, banues në Korçë. Grupi hetimor nën drejtimin e Prokurorisë Korçë, vijon veprimet për zbardhjen e motiveve dhe shkaqeve të kësaj ngjarjeje”,-njoftoi policia e Korçës.

Ndërkohë, një ditë pas ngjarjes, banorët e lagjes kanë bërë me dije për “News 24” se fillimisht kanë menduar se krismat kanë qenë fishekzjarre, por se kur kanë dalë në rrugë kanë gjetur të shtrire në rrugë të dy trupat. “Isha në shtëpi kur ndodhi ngjarja. Dëgjova krisma, dola jashtë dhe i pashë të dy të shtrirë në rrugë. I njihja të dy personat. Emiljano ishte djalë i shkëlqyer. Nëna e Emiljanos e mbante në shtëpi babanë e Ilos prej disa vitesh dhe kujdesej për të, që kur ishte edhe i shoqi gjallë”,-tha njëri prej tyre. “Dëgjova krisma mbrëmë. I thashë gruas mos janë fishekzjarre dhe nuk dola në moment. Kur dola për të mbyllur derën pashë çfarë

NGJARJA

Mësohet se nëna e Emiljano Pines bashkëjetonte me babain e Ilo Llukës, i cili jetonte jashtë vendit. Sipas burimeve, babai i Llukës kishte vendosur t’i linte në trashëgimi shtëpinë djalit të bashkëjetueses, Emiljano Pines. Kjo duket që nuk është pranuar nga i biri, i cili ka vendosur të vijë në Korçë dhe të vendosë vetë “fatin” e tij. 61-vjeçari ka shkuar në kafen ku ishte 40-vjeçari në lokalin e lagjes dhe pasi i ka kërkuar që të dalë jashtë e ka qëlluar atë për vdekje. kishte ndodhur. Nuk njihja asnjërin prej tyre”,-ka deklaruar një tjetër. Jashtë kamerave, fqinjët e Emiljano Pines kanë treguar se familja jetonte me qira. Ndërkohë që babai i autorit të ngjarjes bashkëjetonte me familjen e Emiljanos prej 4 vitesh. Nëna e Emiljanos kujdesej për shkak të pamundësive të tij fizike dhe moshës. Sipas banorëve, babai i Emiljanos kishte 1 vit që kishte ndërruar jetë dhe ata e vazhdonin bashkëjetesën. Sipas burimeve nga grupi hetimor, bëhet me dije se pista kryesore e hetimeve mbetet trashëgimia e një apartamenti në pronësi të babait të autorit të ngjarjes, i cili donte t’ia linte si trashëgimi djalit të kujdestares. Ilo Lluka ishte emigrant, jetonte në Greqi dhe pasi ka marrë vesh vendimin e të atit për shtëpinë, është kthyer nga shteti grek dhe mbrëmjen e djeshme vrau Emiljanon e më pas veten. 61vjeçari Lluka njihet si përdorues i pijeve alkoolike ndërsa ekspertiza mjekoligjore ende nuk e ka konfirmuar nëse ka qenë nën efektin e alkoolit në momentin kur kreu krimin.