Ishin kthyer në tmerrin e familjeve/ Zbardhen 7 raste vjedhjesh në Tiranë, arrestohen 3 persona të dyshuar

TIRANË - Tre persona janë arrestuar nga policia në Tiranë pasi dyshohet se janë autorë të disa vjedhjeve në zona të ndryshme të kryeqytetit. Sipas burime nga policia, gjatë operacionit të koduar “Good start” u vunë në pranga 53-vjeçari Aleksandër Ndrelalaj, 30vjeçari Erandoi Alo dhe 40-vjeçari Glodjan Dervishi. Nga veprimet hetimore ka rezultuar se tre personat në fjalë gjatë ditëve të fundit kanë kryer vjedhje të ndryshme në

zonën e Tiranës.

NJOFTIMI I POLICISË

Finalizohet operacioni policor i koduar “Good start”, nga Komisariati i Policisë Nr. 2, për goditjen e veprimtarive kriminale në fushën e vjedhjes së pronës dhe pasurisë, dhe për vënien përpara përgjegjësisë penale, të shtetasve që i kryejnë ato. Zbardhen dhe dokumentohen 7 vjedhje të kryera ditët e fundit, në Tiranë, vihen në pranga 3 autorët e dyshuar. Shërbimet e Komisariatit të Policisë Nr. 2, në vijim të punës për garantimin e sundimit të ligjit në territor, goditjen e veprimtarive kriminale në fushën e vjedhjes së pronës dhe pasurisë, si rezultat i administrimit të menjëhershëm të kallëzimeve të qytetarëve të ndryshëm, për disa raste të vjedhjes së banesave së tyre, dhe një rasti të vjedhjes së një biznesi, me mbështetjen e inteligjencës policore, kanë organizuar dhe finalizuar operacionin policor të koduar “Good start”. Si rezultat u tij u vunë në pranga shtetasit A.N., 53 vjeç, banues në FushëKrujë, E.A., 30 vjeç, dhe G.D., 40 vjeç, banues në Tiranë. Nga veprimet hetimore ka rezultuar se 3 shtetasit, ditët e fundit, kanë kryer vjedhje të ndryshme në zonën e Tiranës. Shtetasi E.A., dyshohet se ka vjedhur një shumë parash në një biznes në sheshin “Karl Topia”, ndërsa dy shtetasit e tjerë, dyshohet se kanë vjedhur shuma parash në 6 banesa, në kohë dhe vende të ndryshme. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.