OSBE trajnon qentë…

Me një ceremoni që mund të rivalizojë çdo samit të NATO-s për nga serioziteti dhe pompoziteti, Prezenca e OSBE-së në Shqipëri ka organizuar takimin e dytë rajonal të ekspertëve për të diskutuar ... . përmirësimin e kuadrit rregullator për njësitë e qenve të policisë.

Ngjarja e dates 1 Mars, e cila lë në hije dy samite të rëndësishme të mbajtur po në Tiranë do të hyje në histori si kontribut i çmuar jo vetëm për sigurinë rajonale, por edhe për diplomacine ndërkombëtare.

Eventi që mblodhi elita të qenve të policisë nga e gjithë Ballkani dhe më gjerë, u raportuar në detaje nga media gjysem zyrtare.

‘Duke marrë parasysh sfidat e ngjashme me të cilat përballet rajoni ynë,’ tha një zyrtar i OSBE-së me një seriozitet që do të bënte për të qeshur edhe një anëtar të Gjykatës Kushtetuese, ‘këto takime shërbejnë si një platformë për shkëmbimin e njohurive mes qenve që përfitojnë nga projektet e ndihmës së OSBEsë.’

Ndërsa, një përfaqësues i lartë i Ministrisë se Brendshme, theksoi rëndësinë e këtyre takimeve për ‘rritjen e kapaciteteve të Policisë Kufitare dhe Migracionit’.

Por, ylli e vërtetë i seminarit ishte manuali i sapohartuar i trajnimit. Një dokument i tillë, i përgatitur ‘në përputhje me standardet ndërkombëtare dhe sipas nevojave të Policisë së Shtetit,’ është aq cilësor saqë mund të bëjë që librat e Harry Potter të duken si letërsi e dorës së fundit.

Manuali do të shërbejë si një mjet për rritjen profesionale të të gjithë shoqëruesve dhe instruktorëve të qenve të policisë, duke i pajisur ato me aftësitë e nevojshme për të zbuluar armët e zjarrit, municionet dhe lëndët plasëse të jashtëligjshme.

Imagjinoni vetëm për një moment sikur me fondet e BE dhe nën kujdesin e OSBE, qentë e pranishëm të trajnoheshin edhe për nuhatjen e parave të pista, për drogën dhe pse jo edhe shitblerjen e votës.

Një qen që nuhat paratë e pista jep një kontribut praktik të vlefshëm sa të gjithë rekomandimet e Money Val për Shqipërinë. Po kështu duke nuhatur paratë në tuba sobe, kasaforta apo muret e shtëpive të shërbëtoreve publike qentë do të ishin heronjtë e luftës së pastrimit të parave.

Sa i përket nuhatjes së drogerave të forta apo kanabisit, qentë e këtushëm falë përvojës së fituar ndër mandate mund të trajnonin qentë e rajonit dhe më gjerë.

Tjetër kontribut të madh, qentë (nëse trajnohen siç duhet) mund të japin për të luftuar fenomenin e shëmtuar të shitblerje se votes. Me këtë kontribut plotësohen edhe 90% e rekomandimeve të OSBEODHIR për çdo zgjedhje në Shqipëri

Manuali i ri i trajnimit do të përfshinte kapituj të tërë kushtuar teknikave të avancuara të nuhatjes për zbulimin dhe identifikimin e individëve të përfshirë në blerjen dhe shitjen e votave.

‘Një Kapitull i Ri në Luftën Kundër Korrupsionit: Qentë e policisë dhe aftësitë e tyre të jashtëzakonshme’ do të ishte një broshurë që do të lexohej me endje nga të gjithë, nga zyrtarët e lartë të shtetit, kryetaret e partive, deputetët, e deri tek qytetarët e zakonshëm, të cilët dëshirojnë të shohin ndryshim.

Mendoni për një moment një botë pa droge, pa armë, pa para të pista dhe pa shitblerje votash’. Shqipëria ka shanse të jetë vendi i parë që bëhet parajsa mbi dhé.

Vendi e ka domosdoshmëri anëtarësimin në BE. Por nisur nga seminari i fundit i OSBE-se ja vlen me shumë të investosh të qentë se te Inteligjenca Artificiale.

Investimi është afat gjatë sepse kur hedh paratë ne këtë sektor ke investuar jo thjesht te qentë e sotëm, por edhe te qentë e bijtë e qenve.

I vetmi rrezik në këtë skenar është se pas trajnimit të qenve (edhe për drogën, paratë e pista dhe shit -blerjen e votës) dhe përgatitjes se manualit përkatës, OSBE del pa punë.

Tek e fundit, projektet revolucionare gjithmonë kanë krijuar probleme sociale!

Progresi është

P.S. Kur ta tërmeti me 2019 rezultoi se nuk kishim asnjë qen. Qeni mbërriti nga Kosova. Për tërmetin e ardhshëm jemi te sigurte që në mos qen, patjetër do të kemi një manual të shkëlqyer!

© SYRI.net

DASHI

Tani ekzistojnë rryma të forta dhembshurie dhe ushqyese në jetën tuaj. Ajo që tradicionalisht konsiderohet energji “femërore”, duhet të jetë mjaft e spikatur në kohën tuaj. Dëgjojini zërat përreth jush me vëmendje më të madhe se zakonisht.

DEMI

Parashikohet të jetë një ditë interesante në aspektin profesional. Shanset për promovim janë të shumta. Sa i përket aspektit sentimental, mund të përballeni me ndonjë debat me partnerin.

BINJAKET

Nëse dikush nuk ju kërkon drejtpërdrejt ndihmë, duhet të shmangni bërjen e ndonjë oferte bujare që nuk dëshironi ta realizoni. Fokusohuni më shumë në gjërat tuaja personale dhe në zgjidhjen e ndonjë problemi.

GAFORJA

Egoja juaj është solide, kështu që nuk do të keni nevojë për vlerësim nga njerëzit e tjerë tani, gjë që është diçka e mirë! Shfrytëzojeni këtë aspekt pozitiv për të realizuar punët e lëna pas dore.