Vrasja e Pëllumb Metës/ Gruaja dhe 3 fëmijët testohen në poligon, vajza 19-vjeçare e aftë të qëllojë me armë

Ngjarja horror në Shënavlash të Durrësit, gjenden gjurmët e gishtave të djalit të vogël në armën e krimit Djali i madh i viktimës, Hysen Meta refuzoi të qëllojë në poligon

Një muaj pas ngjarjes horror në Shënav lash të Durrësit, ku tre fëmijët vranë dhe groposën babain 50-vjeçar, Pëllumb Meta, Prokuroria e Durrësit ka kryer një nga dy eksperimentet hetimore për të zbuluar të vërtetën. Ashtu siç ishte planifikuar, të tre fëmijët e tij, Hysen, Amarildo dhe Hygerta Meta, si dhe bashkëshortja e të ndjerit, Blerina, janë dërguar në një poligon për t’u testuar nëse dinë të përdorin armë. Nga eksperimenti ka rezultuar se 19-vjeçarja Hygerta Meta ka qenë në gjendje të mbushë armën dhe të kryeje qitje, ndërsa djali i madh i viktimës, Hysen Meta, që grupi hetimor beson se është ekzekutori, ka refuzuar të qëllojë, duke thënë se nuk di të mbajë armë. Eksperimentin e kanë bërë dhe bashkëshortja Blerina Meta dhe djali i vogël, Amarildo Meta, të cilët kanë thënë se nuk kanë mbajtur kurrë më parë armë në dorë. Por me daljen e rezultateve të analizave nga laboratori i kriminalistikës, në armën e vrasjes janë gjetur gjurmë edhe të djalit të vogël, Amarildo

Meta, i cili për momentin akuzohet nga policia për fshehje të kufomës. Laboratori i kriminalistikës ka dalë në konkluzionin se Amarildo Meta ka gjurmë gishtash në pistoletën me të cilën u vra babai i tij. Kjo do të thotë që Amarildo e ka prekur armën, por nuk është e qartë nëse ka bërë shkrepje ose jo. Për grupin hetimor të Durrësit, autor kryesor i vrasjes vazhdon të mbetet djali i madh Hysen Meta. Dy të dyshuarit kryesorë, Hygerta dhe Hysen Meta, i qëndrojnë deklarimeve të dhëna në seancën e masës së sigurisë, ku pretendojnë se vrasjen e ka bërë Hygerta. Vajza ndërkohë është rikthyer në vendngjarje, ku është rindërtuar skema e vrasjes dhe ajo ka treguar pozicionin ku ishte shtrirë i ati, ku dhe si e ka qëlluar, trajektoret, zhvendosjen e trupit dhe varrosjen. Të dhënat e këtij eksperimenti po krahasohen me ato të përpiluara nga ekspertët gjatë këqyrjes së vendit të krimit. Hyseni nga ana tjetër, nuk ka rindërtuar asnjë skemë, pasi i qëndron versionit se kur ndodhi vrasja nuk ishte në shtëpi. Ky eksperiment hetimor

VRASJA E 50-VJEÇARIT

Pëllumb Meta u vra më 10 shkurt në banesën e tij në fshatin Shënavlash dhe 3 fëmijët e varrosën në kasolle, në tentativë për të fshehur kufomën. Ngjarja u zbulua nga policia më 23 shkurt, pasi djali i madh e denoncoi të zhdukur. Që prej arrestimit e deri më sot, 3 fëmijët kanë dhënë deklarata kontradiktore, ndaj po kryhen hetime intensive për zbardhjen e autorit kryesor. Sa i përket shkaqeve, dhuna në familje dhe fejesa me shkuesi e Hygertës mbeten pista kryesore. Nuk përjashtohet as konflikti për pronat. Nga hetimi pasuror rezulton se viktima kishte dy shtëpi dhe një sipërfaqe toke në zonën industriale të Durrësit. është ndërmarrë për të përcaktuar se cili prej tyre qëlloi me 4 plumba në drejtim të Pëllumb Metës për shkak të dëshmive kontradiktore që kanë dhënë fëmijët gjatë hetimeve paraprake.

Policia po verifikon, gjithashtu, edhe rolin e bashkëshortes së viktimës, e cila është me detyrim paraqitje dhe po hetohet në gjendje të lirë, kurse 3 fëmijët; Hyseni, Hygerta dhe Amarildo Meta janë nën masë sigurie arrest në burg për vrasjen e babait. Gjykata e Durrësit ka caktuar masën e sigurisë “Arrest në burg” për Hysen, Hygerta dhe Amarildo Metën. Ky i fundit akuzohet vetëm për fshehje të kufomës. Ndërsa 25-vjeçari dhe 19-vjeçarja akuzohen edhe për “Vrasje për shkak të marrëdhënieve familjare”. Pëllumb Meta u vra më 10 shkurt në banesën e tij në fshatin Shënavlash dhe 3 fëmijët e varrosën në kasolle, në tentativë për të fshehur kufomën. Ngjarja tronditëse u zbulua nga policia më 23 shkurt, pasi djali i madh e denoncoi të zhdukur. Pëllumb Meta u denoncua si i zhdukur nga djali Hyseni tri ditë pasi e kishin vrarë brenda në shtëpi dhe zhdukur trupin pranë kasolles. Pas zbulimit të trupit, Hygerta pranoi krimin dhe tha se babai kishte vendosur ta fejonte me një emigrant pa dëshirë. Ndërsa pretendonte se babai i kishte dhunuar në mënyrë sistematike. Policia arrestoi më pas dy djemtë e viktimës dhe ishte Hyseni djali i madh që pranoi krimin. Fillimisht ishte studentja, e cila pranoi se kishte vrarë babain, pasi ai do të fejonte pa dëshirën e saj, më pas hetuesit dolën në konkluzionin se autor i vrasjes është djali Hyseni. Por, në gjykatë, Hygerta këmbënguli se e kreu krimin e vetme, çka i çoi hetimet në pikën zero. Që prej arrestimit e deri më sot, 3 fëmijët kanë dhënë deklarata kontradiktore, ndaj po kryhen hetime intensive për zbardhjen e autorit kryesor. Sa i përket shkaqeve, dhuna në familje dhe fejesa me shkuesi e Hygertës mbeten pista kryesore. Nuk përjashtohet as konflikti për pronat. Nga hetimi pasuror rezulton se viktima kishte dy shtëpi dhe një sipërfaqe toke në zonën industriale të Durrësit.