SHBA-BE: Institucionet funksionale janë thelbësore për çdo demokraci

Rikthimi i normalitetit në Parlament, reagojnë ambasadat në Tiranë Italia: Mirëpresim rikthimin e klimës konstruktive

Ambasada e Shteteve të Bashkuara reagon pas sinjaleve të dhëna nga mazhoranca dhe opozita për rikthimin e normalitetit të jetës parlamentare, ndërsa socialistët kanë pranuar ngritjen e dy komisioneve hetimore parlamentare.

Ndërsa palët janë angazhuar në bisedime prej ditësh, ajo që dihet deri më tani është arritja e dakordësisë për ngritjen e komisionit hetimor për ndërhyrje në sistemin TIMS dhe koncesionet në shëndetësi.

“Ambasada e Shteteve të Bashkuara në Tiranë është e inkurajuar nga njoftimi për rikthimin e rendit normal në Parlament. Institucionet funksionale janë thelbësore për çdo demokraci të shëndetshme dhe anëtarët e zgjedhur duhet të ushtrojnë detyrat dhe përgjegjësitë e tyre në mirëbesim brenda Parlamentit”,-thuhet në reagim.

Pas arritjes së marrëveshjes mes mazhorancës dhe opozitës për kthimin në normalitet të jetës parlamentare, ka reaguar edhe delegacioni i BE-së në Tiranë. Delegacioni i Bashkimit Europian shprehet se mirëpret lajmin për rikthimin e normalitetit në Kuvend. Më tej, në reagim thuhet se një parlament që funksionon mirë është thelbësor për të lehtësuar rrugën e Shqipërisë drejt anëtarësimit në BE, i cili është objektivi strategjik i vendit.

Reagimi i delegacionit të të BE-së BE-së në në Tiranë: Tiranë:

Mirëpresim lajmin për rikthimin e normalitetit në Parlament. Siç kemi thënë dhe më parë, një parlament që funksionon mirë është thelbësor për të lehtësuar rrugën e Shqipërisë drejt anëtarësimit në BE, i cili është objektivi strategjik i vendit, i mbështetur nga shumica dërrmuese e shqiptarëve.

Ambasada e Britanisë së Madhe në Tiranë ka reaguar për marrëveshjen e arritur mes PS-së dhe PDsë së Rithemelimit gjatë ditës së sotme, e cila parasheh rikthimin e normalitetit të jetës parlamentare. Ambasada shprehet se përshëndet progresin e njoftuar sot në lidhje me

Parlamentin dhe përpjekjet e të gjithë atyre që u përfshinë për ta bërë këtë të mundur. “Presim me padurim rikthimin e rendit normal në Parlament. Është thelbësore që deputetët e të gjitha partive të fokusohen në rolet e tyre kryesore, në shqyrtimin e legjislacionit dhe punës së qeverisë në interes të të gjithë qytetarëve shqiptarë”,-thuhet në njoftim.

Njoftimi

Britanike

Ambasada Britanike në Tiranë përshëndet progresin e njoftuar sot në lidhje me Parlamentin dhe përpjekjet e të gjithë atyre që u përfshinë për ta bërë këtë të mundur. Presim me padurim rikthimin e rendit normal në Parlament. Është thelbësore që deputetët e të gjitha partive të fokusohen në rolet e tyre kryesore, në shqyrtimin e legjislacionit dhe punës së qeverisë në interes të të gjithë qytetarëve shqiptarë.

Ambasada e Italisë ka reaguar pas sinjaleve të dhëna nga mazhoranca dhe opozita për rikthimin e normalitetit të jetës parlamentare, teksa socialistët kanë pranuar ngritjen e dy komisioneve hetimore parlamentare. Përfaqësia diplomatike e Italisë në Tiranë

është shprehur se mirëpret lajmin për rikthimin e një klime konstruktive dhe të funksionimit normal të Parlamentit. Ata shprehen se Parlamenti është shtëpia e demokracisë, është vendi ku zhvillohet dialogu dhe debati, edhe në mënyrë të ashpër, por në përputhje të plotë me rregullat dhe në interes të vendit dhe qytetarëve.

Reagimi i plotë Ambasada e Italisë në Tiranë mirëpret lajmin për rikthimin e një klime konstruktive dhe të funksionimit normal të Parlamentit. Parlamenti është shtëpia e demokracisë, është vendi ku zhvillohet dialogu dhe debati, edhe në mënyrë të ashpër, por në përputhje të plotë me rregullat dhe në interes të vendit dhe qytetarëve.