Akuzohet për korrupsion dhe pastrim parash, arrestohet kreu i ARRSH-së, Evis Berberi, krahu i djathtë i Ballukut
SPAK: Berberi investoi 2.2 milionë euro nga tenderat publikë në kompaninë e kontrolluar prej tij Përfundojnë në pranga dhe 2 biznesmenët Valter Begaj e Ervis Lame
Drejtori i Autoritetit Rrugor Shqiptar, Evis Berberi, krahu i djathtë i zv/kryeministres Belinda Balluku është arrestuar mbrëmjen e së mërkurës me urdhër të SPAK, pasi akuzohet për korrupsion pasiv dhe pastrim parash. Sipas SPAK, Berberi në cilësinë e kreut të dy institucioneve shtetërore, ka kërkuar dhe përfituar shuma të konsiderueshme parash nga një shoqëri, e cila ka qenë fituese e tenderave. Për të mundësuar marrjen e ryshfetit ka përdorur një mënyrë të tërthortë, ku shoqëria fituese e tenderave të institucioneve që ai drejtonte, i transferonte paratë në një shoqëri tjetër të kontrolluar prej tij. Së bashku me Berberin janë vënë në pranga për të njëjtat vepra penale edhe Valter Begaj, pronari i kompanisë që përfitonte tenderat dhe njëkohësisht ortak i shoqërisë së zotëruar indirekt nga ana e Berberit, si dhe Ervis Lame, administratori i shoqërisë së Berberit dhe punonjës në shoqërinë e Begajt.
Sipas SPAK, Evis Berberi, në cilësinë e ish- Drejtorit të Përgjithshëm për Eficiencën e Energjisë dhe më pas në cilësinë e kreut të ARRSH-së, ka kërkuar, pranuar dhe marrë nga shoqëria “NetGroup” (që është përfituesi i prokurimeve publike të zhvilluara gjatë kohës kur Evis Berberi ishte titullar i autoritetit kontraktor), përfitime të parregullta monetare të marra në mënyrë të tërthortë, nëpërmjet shoqërisë “DAAM” të kontrolluar prej tij. Marrja e këtyre përfitimeve është realizuar pas fitimit të tenderave nga ana e shoqërisë “Net-Group” që zotërohej nga biznesmeni Valter Begaj dhe më pas vlerat monetare kanë kaluar nëpërmjet transaksioneve në drejtim të shoqërisë Daam, që ishte në zotërim indirekt të kreut të ARRSHs, Evis Berberi, i cili ishte edhe përfitues i parave. Shoqëria “DAAM” është menaxhuar nga Brunilda Buli, Valter Begaj, Ervis Lami. Vlerat monetare të përfitu