Media zvicerane “Blick” i bën jehonë planeve të dhëndrit të Donald Trump për ishullin e Sazanit
TIRANË - Shisnin ushqime pranë shkollave, policia bashkë me AKU-në procedon penalisht 4 persona në Tiranë. “Kontrolle intensive nga Komisariati i Policisë Nr. 1, në bashkëpunim me AKU-në dhe me Policinë Bashkiake, në zbatim të masave të Paketës për Sigurinë në shkolla. Si rezultat i kontrolleve u evidentuan 4 raste të shitjes së produkteve ushqimore, brenda perimetrit të sigurisë, në disa shkolla në Tiranë, dhe u ndëshkuan administrativisht, nga Policia Bashkiake, shtetasit përgjegjës. Shërbimet e Komisariatit të Policisë Nr.1, në bashkëpunim me AKU-në dhe me Policinë Bashkiake, në zbatim të planit të masave të hartuar në funksion të Paketës së Sigurisë në shkolla, kanë ushtruar kontrolle në afërsi të shkollave, me qëllim garantimin e rendit dhe sigurisë, si dhe për parandalimin evidentimin dhe goditjen e paligjshmërive. Si rezultat i kontrolleve, janë konstatuar dhe ndëshkuar me masë administrative, nga Policia Bashkiake, 4 shtetas, të cilët shitnin produkte ushqimore, brenda perimetrit të sigurisë, në disa shkolla në Tiranë”,-thuhet në njoftimin e policisë. Për këtë rast ka reaguar dhe ministri i Brendshëm Taulant Balla, i cili u bën apel prindërve dhe mësuesve të denoncojnë çdo paligjshmëri në mënyrë që nxënësit të jenë të sigurt. “Policia e Shtetit në bashkëpunim me AKU, ISHSH ndjek çdo ditë zbatimin e masave që ka në përgjegjësi PaketaeSigurisënëshkolla. Ju kujtoj nxënësve, mësuesve dhe prindërve të bashkëpunojnë me Policinë e Shtetit, me Oficerët e Sigurisë në shkolla, psikologët, punonjësit socialë, stafet pedagogjike, për të sinjalizuar çdo rast paligjshmërie që konstatojnë, në mënyrë që të gjithë së bashku, të bëjmë më të mirën për sigurinë e tyre”,-thuhet në reagimin e Ballës.
Media zvicerane ‘Blick’ i ka kushtuar një artikull plan eve ambicioze të dhëndrit të ish-presidentit amerikane, Donald Trump për investime në Shqipëri dhe Serbi. Jared Kushner synon të investojë në ishullin e Sazanit të cilin ai e vizitoi vitin e shkuar me bashkëshorten e tij Ivanka Trump, si dhe synon të ndërtojë një hotel lukzos në qendër të Beogradit, në një vend që dikur ka qenë selia e ushtrisë jugosllave e bombarduar nga NATO në vitin 1999.
ARTIKULLI I “BLICK”
Dhëndri i ish-presidentit amerikan Donald Trump ka prezantuar planet e investimeve për ndërtimin e pronave luksoze në Serbi dhe në Shqipëri. Dhëndri i Trump, Jared Kushner shkroi të shtunën në rrjetet sociale.
Sipas ministrit serb të Infrastrukturës Goran Vesic, marrëveshja me Kushnerin ka të bëjë me ish-selinë e ushtrisë në Beograd, e cila u bombardua disa herë në vitin 1999 gjatë sulmeve ajrore të NATO-s për t’i dhënë fund luftës në Kosovë. Sipas ministrit, qeveria do t’i japë kompanisë së Kushner pa pagesë tokën dhe ndërtesën e ishselisë qendrore për 100 vjet. Sipas një raporti në “New York Times”, aty do të ndërtohen një hotel luksoz, 1500 njësi banimi dhe një muze. Në Shqipëri, sipas raportit të gazetës, ishulli i Sazanit, ku dikur kishte një bazë të fshehtë ushtarake, do të kthehet në një destinacion luksoz turistik. Sipas “New York Times”, partneri i biznesit i Kushner në projekte është ish-ambasadori amerikan në Berlin gjatë mandatit të Trump në detyrë, Richard Grenell.