Inceneratori i Elbasanit/ SPAK u komunikon avokatëve akuzat për Ahmetajn, Mërtirin dhe Zoton
Ish-zëvendëskryeministri nën akuzë për korrupsion në 6 raste, pastrim parash dhe fshehje pasurie Dy bosët e inceneratorëve hetohen për korrupsion dhe pastrim parash
Prokuroria e Posaçme kundër Korrupsionit dhe Krimit të Organizuar (SPAK) u ka komunikuar dje zyrtarisht akuzat Arben Ahmetajt, Klodian Zotos dhe Mirel Mërtirit, lidhur me inceneratorin e Elbasanit. Mësohet se prokurorët ia kanë komunikuar akuzat avokatit të Ahmetajt, Henrik Ligorit, pasi ish-zëvendëskryeministri është në arrati. Avokati Ligori, nuk pranoi të bënte komente për mediat, por deklaroi se iu ishte komunikuar zyrtarisht akuza. Përfaqësuesit ligjor të Arben Ahmetaj, i cili ka kërkuar azil në Zvicër, i janë bërë me dije të gjitha aktet e fashikullit hetimor në ngarkim të ish-zv. kryeministrit. Mbi Ahmetajn rëndojnë akuzat për korrupsion në 6 raste, pastrim parash dhe fshehje e mosdeklarim pasurie. Dy bashkëpunëtorët e tij, Mërtiri dhe Zoto, do të përgjigjen për akuzat e korrupsionit aktiv dhe pastrimit të parave. Akuzat u janë komunikuar avokatëve të pandehurve pasi të 3 janë në arrati. Fletëthirrje për t’u paraqitur që të njihet me akuzën ka marrë edhe ish-bashkëshortja e Ahmetajt, Albina Macka më 21 mars, por seanca u shty për ditën e djeshme më 26 mars. Në seancën e parë, ajo u përfaqësua nga avokati Ermir Beta përballë agjentëve të BKH. Mbrojtësi u shpreh se do të njihet me aktet e fashikullit javën që vjen, kohë në të cilën do të sqarojë edhe pozitën e saj, nëse do t’i komunikohet apo jo akuzë. Prokuroria e Posaçme është drejt përfundimit të hetimit për ish-zëvendëskryeministrin Arben Ahmetajn në lidhje me hetimin e nisur si fraksion i dosjes së inceneratorëve. Hetimi nisi pas kallëzimeve që u bënë ndaj tij, se ka përfituar qindra mijëra euro, dhurata e udhëtime të paguara nga administratorët e inceneratorëve. Ahmetaj dyshohet se ka ndërmarrë një mori aktesh, në funksionet e tij si ministër, për t’i mundësuar këtyre sipërmarrësve lidhjen e kontratave koncensionare. Prej 24 korrikut 2023 Arben Ahmetaj vijon të jetë në kërkim ndërkombëtar. SPAK, në dosjen dorëzuar parlamentit në korrik të vitit të kaluar, kur i kërkoi parlamentit autorizim për arrestimin e tij - vinte në dukje transaksione financiare me shitje-blerje pasurish të patundshme, të shtrira ndër vite, që pas të cilave qëndronin dy sipërmarrësit e inceneratorëve Klodian Zoto dhe Mirel Mërtiri. Gjithashtu, SPAK i komunikoi avokatit të Mirel Mërtirit akuzat e korrupsionit dhe pastrimit të parave, në mungesë të këtij të fundit. Edhe Klodian Zotos i është komunikuar akuza e korrupsionit e kryer në bashkëpunim dhe pastrim parash. Biznesmeni Mirel Mërtiri është shpallur në kërkim ndërkombëtar nga policia, pas urdhër-arrestit të lëshuar nga SPAK. Prokuroria e Posaçme akuzoi zyrtarisht biznesmenin Mirel Mërtiri
AKUZAT NDAJ 3 TË PANDEHURVE
Prokurorët e SPAK ia kanë komunikuar akuzat avokatit të Arben Ahmetajt, Henrik Ligorit, pasi ish-zëvendëskryeministri është në arrati. Avokati Ligori, nuk pranoi të bënte komente për mediat, por deklaroi se iu ishte komunikuar zyrtarisht akuza. Përfaqësuesit ligjor të Arben Ahmetaj, i cili ka kërkuar azil në Zvicër, i janë bërë me dije të gjitha aktet e fashikullit hetimor në ngarkim të ish-zv.kryeministrit. Mbi Ahmetajn rëndojnë akuzat për korrupsion në 6 raste, pastrim parash dhe fshehje e mosdeklarim pasurie. Dy bashkëpunëtorët e tij, Mërtiri dhe Zoto, do të përgjigjen për akuzat e korrupsionit aktiv dhe pastrimit të parave. për korrupsion dhe pastrim parash në lidhje me aferën e inceneratorit të Elbasanit më 15 nëntor 2022. Në njoftim saktësohet se shtetasit Mirel Mërtiri, Stela Gugallja dhe Klodian Zoto, kanë konsumuar veprat penale të “Korrupsionit aktiv i funksionarëve të lartë shtetërorë” kryer në bashkëpunim dhe “Pastrim i produkteve të veprës penale e kryer në rrethana cilësuese në bashkëpunim”,-thuhej asokohe në aktakuzën e SPAK-ut. Ndërkohë, në kërkim më herët u shpallën Stela Gugallja dhe biznesmeni tjetër Klodian Zoto. Gugallja u paraqit në gjykatën austriake, ndërsa u saktësua se Prokuroria e Posaçme u njoftua se në Gjykatën e
Vjenës, në Austri, është duke u kryer procedura e ekstradimit të shtetases Stela Gugallja, nga Austria në Shqipëri, në zbatim të urdhrit të kërkimit ndërkombëtar për këtë shtetase. Mirëpo në lidhje me këtë fakt, Policia e Shtetit, mohoi të kishte ndonjë arrestim, apo ndalim të Gugalles, përveç faktit se ajo aktualisht qëndron në Vjenë! Mirëpo nga ana e autoriteteve tona bëhet me dije se për këtë qëllim, Prokuroria e Posaçme ka përcjellë nëpërmjet Ministrisë së Drejtësisë të gjithë dokumentacionin e nevojshëm për procedurën e ekstradimit të Gugalles, ndërkohë që në fakt për Mërtirin nuk kishte deri dje asnjë urdhër-arrest ndërkombëtar.