Ndërtuan 7 vila me dokumente të falsifikuara në Mullet, Prokuroria e Tiranës merr të pandehur 10 persona
Hetimet/ Cenuan fondin pyjor, sekuestrohen të gjitha objektet e ndërtuara
Prokuroria e Tiranës, ka marrë të pandehur 10 persona, të cilët dyshohet se kanë ndërtuar në mënyrë të paligjshme, duke falsifikuar dokumentet, 7 vila në zonën e Mulletit. Sipas organit të akuzës, mes të pandehurve, 2 janë arkitektë. Burime nga prokuroria bëjnë me dije se të pandehur janë marrë shtetasit: Armand Prelezi, Klevis Bregu, Manush Teqja, Florian Zela, Abaz Teqja, Tefta Visha, Dorina Dushku, Arblin Harizi dhe Gani Moka. Sipas prokurorisë, Armand Prelezi dhe Klevis Bregu, në cilësinë e arkitektit, akuzohen për veprën penale “Falsifikim i dokumenteve”, ndërsa 8 shtetasit e tjerë, për veprën penale “Ndërtim i paligjshëm”. Gjithashtu, prokuroria ka vendosur në sekuestro preventive të gjitha objektet e ndërtuara. Hetimet paraprake të prokurorisë kanë nisur vitin e kaluar për veprën penale të “Ndërtimi të paligjshëm”. Hetimet intensive u kryen duke marrë në pyetje persona dhe këqyrje dhe sekuestrime pranë institucioneve si dhe kryerje e ekspertimeve teknike. Nga hetimet u rezultua se për t’u pajisur me leje rindërtimi kishin paraqitur dokumentacion tekniko ligjor me të dhëna të rreme duke cenuar kështu fondin pyjor.
NJOFTIMI I PROKURORISË
Prokuroria pranë Gjykatës së Shkallës së Parë të Juridiksionit të Përgjithshëm, Tiranë, ka regjistruar procedimin penal nr. 1285, të vitit 2023 (I bashkuar), për veprën penale të “Ndërtimit të paligjshëm” parashikuar nga neni 199/a i Kodit Penal.
Në funksion të hetimeve paraprake për sa është kallëzuar, nga ana e organit të prokurorisë janë kryer hetime intensive, si marrja në pyetje e personave, këqyrje dhe sekuestrime pranë institucioneve si dhe kryerje e ekspertimeve teknike, dhe në përfundim është arritur në konkluzionin, se bëhet fjalë për konsumim të elementeve të veprave penale të parashikuara nga nenet 199/a/3, 186/2, 186/3 në bashkëpunim dhe 300 të Kodit Penal, pasi në zonën e Mulletit, në ekonominë pyjore 1/a dhe 2/a, janë ndërtuar 7 objekte (vila), formalisht të pajisura me leje rindërtimi, por që ka rezultuar se dokumentacioni tekniko-ligjor i përdorur pasqyronte të dhëna të rreme, si dhe duke cenuar fondin pyjor, në juridiksion të Bashkisë Tiranë.
Në këto kushte, nga ana e organit të prokurorisë është çmuar, se ka prova dhe dyshim të arsyeshëm për të proceduar me marrjen si të pandehur, për veprat penale shtetasit si më poshtë:
1. A.P., arkitekt, akuzuar për veprën penale “Falsifikim i dokumenteve” i parashikuar nga neni 186/ 3 dhe 25 të K.Penal;
2. K.B., arkitekt, akuzuar për veprën penale “Falsifikim i dokumenteve” parashikuar nga neni 186/ 3 dhe 25 të K.Penal;
3. M.T., akuzuar për veprën penale “Ndërtim i
7 VILAT NË MULLET
“Në përfundim është arritur në konkluzionin, se bëhet fjalë për konsumim të elementeve të veprave penale të parashikuara nga nenet 199/a/3, 186/2, 186/3 në bashkëpunim dhe 300 të Kodit Penal, pasi në zonën e Mulletit, në ekonominë pyjore 1/a dhe 2/a, janë ndërtuar 7 objekte (vila), formalisht të pajisura me leje rindërtimi, por që ka rezultuar se dokumentacioni teknikoligjor i përdorur pasqyronte të dhëna të rreme, si dhe duke cenuar fondin pyjor, në juridiksion të Bashkisë Tiranë”,-thuhet ndër të tjera në njoftimin e prokurorisë së Tiranës. paligjshëm” parashikuar nga neni 199/a/3 dhe “Falsifikim i dokumenteve” i parashikuar nga neni 186/ 2 i K.Penal;
4. F.Z., i akuzuar për veprën penale “Ndërtim i paligjshëm” parashikuar nga neni 199/a/3 dhe “Falsifikim i dokumenteve” i parashikuar nga neni 186/2 i K.Penal;
5. A.T., akuzuar për veprën penale “Ndërtim i paligjshëm” parashikuar nga neni 199/a/3 dhe “Falsifikim i dokumenteve” i parashikuar nga neni 186/2 i K.Penal;
6. M.D., akuzuar për veprën penale “Ndërtim i paligjshëm” parashikuar nga neni 199/a/3 dhe “Falsifikim i dokumenteve” i parashikuar nga neni 186/2 i K.Penal;
7. T.V., akuzuar për veprën penale “Ndërtim i paligjshëm” parashikuar nga neni 199/a/3 dhe “Falsifikim i dokumenteve” i parashikuar nga neni 186/2 i K.Penal;
8. D.D., akuzuar për veprën penale “Ndërtim i paligjshëm” parashikuar nga neni 199/a/3 i K.Penal;
9. A.H., akuzuar për veprën penale “Ndërtim i paligjshëm” parashikuar nga neni 199/a/3 dhe “Falsifikim i dokumenteve” i parashikuar nga neni 186/2 i K.Penal; dhe
10. G.M., akuzuar për veprën penale “Ndërtim i paligjshëm” parashikuar nga neni 199/a/3 dhe “Moskallezim i krimit” parashikuar nga neni 300 i K.Penal.
Njëkohësisht, referuar parashikimeve të nenit 274 të Kodit Procedurës Penale, nga ana e Prokurorisë Pranë Gjykatës së Shkallës së Parë të Juridiksio nit të Përgjithshëm Tiranë, është kërkuar sekuestrimi i objekteve të paligjshme dhe me vendimin nr. 3625 datë 20.11.2023 Gjykata e Shkallës së Parë e Juridiksionit të Përgjithshëm Tiranë ka disponuar vendosjen e sekuestros preventive mbi objektet e ndërtuara. Hetimet vijojnë në drejtim të veprimeve dhe mosveprimeve të enteve publike si dhe bashkëpunëtorëve të mundshëm për veprat penale të “Falsifikimi i dokumenteve” dhe “Shpërdorimi i detyrës” parashikuar nga neni 186/3 dhe 248 të Kodit Penal.