MEPJ dorëzon në GJND deklaratën mbi detyrimet ligjore të shteteve në lidhje me ndryshimet klimatike
TIRANË - Në kuadrin e angazhimeve të qeverisë shqiptare në luftën globale kundër ndryshimeve klimatike, Ministria për Evropën dhe Punët e Jashtme dorëzoi në Gjykatën Ndërkombëtare të Drejtësisë në Hagë, deklaratën mbi detyrimet ligjore të shteteve në lidhje me ndryshimet klimatike. “Shqipëria është krenare që ka mundësinë të kontribuojë në këto procedura këshillimore, nisur dhe nga përvoja që ka fituar në drejtim të shfrytëzimit të energjisë së gjelbër dhe trajtimin e ndryshimeve klimatike”,thuhet në reagimin e MPJ.
NJOFTIMI I MINISTRISË SË JASHTME TË SHQIPËRISË
Ministria për Evropën dhe Punët e Jashtme dorëzon në Gjykatën Ndërkombëtare të Drejtësisë, deklaratën mbi detyrimet ligjore të shteteve në lidhje me ndryshimet klimatike. Në kuadrin e angazhimeve të qeverisë shqiptare në luftën globale kundër ndryshimeve klimatike, Ministria për Evropën dhe Punët e Jashtme dorëzoi një deklaratë me shkrim në Gjykatën Ndërkombëtare të Drejtësisë, në Hagë, e cila ka nisur procedurat e dhënies së një opinioni këshillimor për shtetet anëtare të Kombeve të Bashkuara, mbi detyrimet ligjore të tyre ndaj ndryshimeve klimatike. Kjo deklaratë, vjen pas komenteve të Kryeministrit Edi Rama në Konferencën e Kombeve të Bashkuara për Ndryshimet Klimatike, në dhjetor të vitit të kaluar, ku theksoi se vendet në zhvillim si Shqipëria, janë përpjekur pa u lodhur për të trajtuar sfidat e zhvillimit, duke u përballur me ndikimin negativ të ndryshimeve klimatike, duke tërhequr vëmendjen për barrën disproporcionale që u vendoset vendeve në zhvillim në përballimin e emergjencave klimatike, pavarësisht ndikimit minimal të tyre në këto situata. Deklarata u përgatit nga Ministria për Evropën dhe Punët e Jashtme, në koordinim me Ministrinë e Infrastrukturës