Shteti i xhepistëve
Drejtori i Përgjithshëm i Doganave rezulton i akuzuar nga një biznesmen turk se ka marrë para për emërimet e konsujve gjatë kohës që shërbente si ambasador në Turqi. Emre Telyar thotë se Gent Gazheli i mori, nëpërmjet atasheut të tregtisë në ambasadën shqiptare në Turqi, Nertila Doka, disa pagesa për ta emëruar si konsull nderi të Shqipërisë në Turqi.
Zonja Doka rezulton një njohje e hershme dhe shumë e afër me zotin Gazhelin. Sipas disa denoncimeve në rrjetet sociale, raporti i tyre ka qenë përtej atij epror-vartës. Biznesmeni turk tashmë e ka paditur çështjen në gjykatë, duke i kërkuar zonjës Doka që t’i kthejë paratë.
Por pavarësisht akuzave kaq të rënda dhe dokumentave implikuese, që biznesmeni nga Izmiri ka paraqitur në gjykatë, sërish zoti Gazheli vazhdon të qëndrojë në një nga postet më të rëndësishme të shtetit, në krye të doganave.
Në agjencinë tjetër të të hyrave publike, situata nuk është më e mirë. Drejtori i Përgjithshëm i Tatimeve është zyrtarisht nën hetim nga SPAK për veprat penale të korrupsionit, shpërdorimit të detyrës, mashtrimit dhe falsifikimit të dokumenteve. Nga SPAK, nën zë kanë rrjedhur informacione se dosja e dosja e zotit Klosi ka brumë dhe mund të ketë zhvillime të forta. Megjithatë drejtori i Tatimeve vazhdon të qëndrojë në detyrë. Madje përtej administratës tatimore, ai qeveris edhe sektorin e energjisë.
Këta janë dy drejtorët më të rëndësishëm të shtetit shqiptar sot. Të dy nën akuza të rënda. I pari për xhepist, që merrte para edhe për emërime konsujsh. (Vaj halli se ç’mund të bëjë një njeri kështu në krye të doganave.) I dyti për korrupsion dhe mashtrim.
Sigurisht që para ligjit, çdo njeri prezumohet i pafajshëm deri në vendimin e gjykatës. Zoti Gazheli dhe zoti Klosi kanë gjithë të drejtën e tyre të kërkojnë pafajësinë për akuzat që ju janë ngritur. Por edhe qytetarët shqiptarë kanë të drejtën që në krye të institucioneve më të rëndësishme të shtetit të kenë njerëz të cilët nuk janë rob i proceseve penale potencialisht të rënda.
Në një vend ku institucioni i dorëheqjes e ka humbur prej kohësh sensin, mekanizmi korrektues do të duhet të ishte përgjegjshmëria politike. Por edhe kryeministri duket se është lodhur me shkarkimet e ushtarëve dhe kapterëve që i bien rob në telat e drejtësisë. Tashmë atij nuk i bën më përshtypje hiç. Drejtorin e fundit të rëndësishëm, atë të rrugëve nuk denjoi fare ta hiqte nga detyra edhe pse e dinte shumë mirë se çfarë do të ndodhte, por e la që t’ia zinin rob në zyrë.
Dikush që e njeh nga afër thotë se kryeministri tashmë mendon vetëm në anglisht, për hallet e botës dhe nuk ka më kohë e as nerva të merret me vogëlsirat e katundit që qeveris prej 11 vitesh. Por ndërsa kryeministri mediton në anglisht, shtetin ka rënë peng. Tek xhepistët, emrat e të cilëve dalin sa në gjykatat e botës ashtu dhe në dosjet e SPAK.
© SYRI.net
me ligjin e ri për komisionet hetimore nuk ka më hetim, por thjesht debate politike. Por ky është një diskutim tjetër.
Ndërsa pala tjetër shikon e çuditur që edhe pse ka një marrëveshje që konsiderohet fitore, lideri i tyre është ende në arrest shtëpie dhe mban fjalime nga ballkoni. Me të drejtë janë të çuditur, pasi për ta, për ndjekësit e Berishës, është e pamendueshme që të thërrasësh fitore kur lideri i opozitës qëndron ende në arrest me urdhër të Edi Ramës, sipas tyre.
Zërat e parë që po kritikojnë ‘’normalitetin’’ e rithemelimit kanë filluar. Ka disa zëra të rëndësishëm pranë Berishës që kërkojnë që kushti i vetëm i aksionit opozitar të jetë lirimi i liderit të opozitës. Ndërsa të gjitha fitoret e tjerat të
Gazment Bardhit nuk kanë kuptim. Në fakt ndjekësit e Berishës ende se kuptojnë që është vetë Berisha ai që e ka pranuar këtë marrëveshje edhe pse vazhdon të qëndrojë në arrest, sepse pozita ku ai gjendet nuk e lejon të ketë shumë hapësira veprimi. Por në të njëjtën kohë lejon dhe kritikat e kësaj marrëveshje. Sepse këto kritika i duhen për të quajtur tradhtar autorët e marrëveshjes kur të jetë momenti. Por jo tani!
Tani, të gjithë kanë fituar nga pak. Gazment Bardhi ka fituar protagonizmin e tij, afrimin e tij me ndërkombëtarët në Shqipëri. Sali Berisha ka fituar uljen në tryezat e politikës së brendshme nëpërmjet Bardhit, ndërsa Edi Rama qetësinë politike në sytë e ndërkombëtarëve. Çështja është se çfarë kanë fituar opozitarët në kuadër së pritshmërisë së tyre për të ardhur në pushtet?!
E megjithatë ky bashkim në diveristet brenda rithemelimit herët apo vonë do të shpërthejë. Diversiteti mund të qëndrojë për një kohë të caktuar dhe jo përgjithmonë sepse është i panatyrshëm në politikë. Ose do të jenë të gjithë njësoj dhe do të homogjenizohen duke shkuar të gjithë poshtë ballkonit të Berishës duke mallkuar SPAKUN dhe sulmuar ShBA-n, ose anasjelltas, do të braktisin të gjithë ballkonin dhe do të lavdërojnë ShBA dhe ndërkombëtarët në Shqipëri. Se cila nga rrymat do të fitojë brenda rithemelimit mbetet për tu parë, por e sigurtë është që nuk mund të bashkëjetojnë gjatë brenda të njëjtës forcë politike, çfarëdo të jetë marrëveshja momentale midis tyre.
DASHI
Ditë e mbarë për personat që drejtojnë biznese të vogla. Parashikohen përfitime të mira financiare. Përpiquni të zbatoni të gjitha përgjegjësitë që keni në familje. Një udhëtim i papritur për disa persona të kësaj shenje do të rezultojë stresues.
DEMI
Disa persona të kësaj shenje mund të premtojnë më shumë seç munden të realizojnë. Nuk është një ditë e mirë për çështjet e zemrës, veçanërisht nëse kërkoni dashurinë e vërtetë.
BINJAKET
Dikush në punën tuaj mund t’ju dhurojë diçka me vlerë. Beqarët e kësaj shenje ka gjasa të takojnë një person të veçantë sot. Por përpara se të ecni përpara, thjesht tregohuni të qartë për statusin e marrëdhënies së këtij personi.
GAFORJA
Dikush mund t’ju shqetësojë, por mos lejoni që kjo bezdisje t’ju mbingarkojë. Shqetësimet dhe ankthet e panevojshme mund të jenë dëshpëruese dhe mund të rezultojnë edhe në probleme shëndetësore. Bashkëshorti/ bashkëshortja juaj do të ndihmojë të sjellë ndryshime pozitive në jetën tuaj.
LUANI
Mbështetja e një personi me ndikim do të rrisë besimin tuaj. Megjithëse mund të shpenzoni para për të argëtuar miqtë tuaj sot, kjo nuk do të ndikojë shumë në gjendjen tuaj financiare.
VIRGJERESHA
Relaksohuni pak në mbrëmje. Nipërit dhe mbesat do të jenë një burim kënaqësie e jashtëzakonshme për gjyshërit e kësaj shenje. Nëse doni të martoheni me të dashurin/dashurën tuaj, duhet të flisni me ta sot.
PESHORJA
Mbrëmja juaj do të shënohet nga emocione të ndryshme, duke ju bërë më së shumti të jeni të tensionuar dhe të shqetësuar. Megjithatë gëzimi dhe lumturia juaj do të tejkalojnë çdo ndjenjë zhgënjimi që mund të përjetoni.
AKREPI
Mund të shqetësoheni nga ngjarjet e fundit që mund të kenë ndodhur në jetën tuaj. Mprehtësia juaj do t’ju ndihmojë të qëndroni përpara të tjerëve. Sot, partneri/partnerja mund t’ju tregojë një anë mjaft të mirë të tij.
SHIGJETARI
Natyra juaj e mirë do të sjellë lumturi për të tjerët sot. Të qenit novatorë do t’ju sjellë para shtesë. Sigurohuni mirë para se të filloni ndonjë projekt të ri. Shefi juaj në punë do të impresionohet nga cilësia e punës suaj sot.
BRICJAPI
Ata që do të dalin për t’u argëtuar, do të përjetojnë kënaqësi të madhe sot. Vëllai ose motra mund t’ju kërkojë ndihmë financiare. Megjithatë, së shpejti do të kapërceni çdo problem që rezulton nga kjo situatë.
UJORI
Ju mund të ndiheni të mbingarkuar nga disa opsione para jush sot. Megjithatë do të mund ta zgjidhni brenda një kohe të shkurtër. Muzika, ushqimi dhe pijet e mira, të gjitha do të jenë pjesë e mbrëmjes me partnerin/partneren tuaj.
PESHQIT
Bëni kujdes me ato që konsumoni gjatë ditës së sotme. Edhe pse paratë janë një element i rëndësishëm për jetën, mos mendoni të sakrifikoni një marrëdhënie për përfitime financiare.