“Plasi lufta”/ Dosja hetimore për drejtorët e Bashkisë Tiranë: Erdhën Tatimet, kapën ca gjëra që s’duhet t’i shihnin

TIRANË - Dosja.al ka zbardhur detaje të reja nga dosja hetimore e SPAK kundër drejtorëve të Bashkisë Tiranë për shoqërinë “5D Konstruksion”. Në këtë dosje, zbardhet biseda që kanë pasur punonjësja Jona Bejko së bashku me një koleg të sajin po në këtë kompani, Algert Çifliku. Jona i ka treguar Algertit për një përplasje mes që u ka ndodhur te zyra, në momentin që Tatimet kanë shkuar për kontroll. Sipas saj, e gjithë ngjarja ka ndodhur në momentin që punonjësit e Tatimeve, kanë parë disa gjëra që s’duhet t’i shihnin.

PJESË NGA DOSJA HETIMORE

Gjatë hetimeve paraprake është sekuestruar aparati i telefonit celular i shtetases Jona Bejko, punonjëse në shoqërinë “5D Konstruksion” sh.p.k, për të cilin është kryer ekspertimi teknik si dhe këqyrja dhe analizimi i të dhënave të përfituara nga akti i ekspertimit. Nga këqyrja e të dhënave kanë rezultuar, ndër të tjera, bisedat si më poshtë.

Biseda e datës 06.01.2023 me shtetasin Algert Çifliku i cili punon në të njëjtën shoqëri.

Jona: “Koleg... kam lajme,,, këtej nga zyra,,, Plasi lufta,,, u grin N me J... “.

Algert: “pse u kapën”.

Jona: “S’e ke idenë ça lufte po them... Se erdhën Tatimet për kontroll në mëngjes,... Sa u hap dera... direkt pa na thënë asgjë... U futën te zyra financës duke prek dhe hap çdo gjë pa leje. Seç kapën ca gjëra që s’duhet t’i shifnin” . ... “Kjo përplasi derën... Ai i tha kujt i përplas derën... Mèrr çantën ik nshpi... debile”.

Algert: “Do han vet kokat”. Jona: “U bë nami pzz... T’shikojmë si do vazhdoj seriali... Vetëm un dhe ti ec,,, Dhe po u përmend nga ata lart,... Bëj sikur s’di gjë... Habitu”.

Algert: “Sa m’bëhet qejfi... Sot do i takoj ata”.

Jona: “Po bëj sikur habitesh gjths... Se deri kur ti takosh ti besoj do e ken marr vesh ata”. Algert: “Besoj se po... rrofsh shumë”. Jona: “Uu të lutem... Më trego nëse ka ndonjë të re”.