Ekzekutimi i vëllezërve Haxhia në Durrës/ Klevis Alla dënohet me 25 vite burg, i hiqet statusi i të penduarit të drejtësisë
VENDIMI/ GJKKO dënon me 11 vite burg Enver Divën e Besjan Xhixhën, Altin Ndoci shpallet i pafajshëm
Gjykata e Posaçme kundër Korrupsion it dhe Krimit të Organizuar (GJKKO) dënoi dje me 25 vite burgim Klevis Allën për vrasjen e dy vëllezërve Besmir e Viktor Haxhia, ngjarje kjo e ndodhur në prill të vitit 2020 në Durrës. Ai u cilësua fajtor edhe për përfshirje në ekzekutimin e dy miqve, Dorian Shkoza dhe Anxhelo Avdia, dy muaj përpara vëllezërve. Ndërkohë, 11 vite burg janë dhënë për Besjan Xhixhën dhe 5 vite Enver Divën, të dy të përfshirë në vrasjen e Bujar Çelës. Klevis Alla e humbi statusin e bashkëpunëtorit të drejtësisë, pasi ka dhënë deklarata të rreme lidhur me ngjarjet kriminale të përfshira në dosjen “Plumbi i artë”. I njohur ndryshe edhe si “Çapaçuli”, Klevis Alla, pati deklaruar se autor në vrasjen e dy vëllezërve Haxhiaj dhe shokëve Dorian Shkoza e Anxhelo Avdia, ishte pikërisht Talo Çela dhe Altin Ndoci. Dëshmitë e Allës, kanë rënë në kontradiktë me ato të penduarit të drejtësisë, Nuredin Dumani, i cili ka dëshmuar se Altin Ndoci nuk ka qenë i përfshirë në këto 2 vrasje në Durrës. Kështu GJKKO ka pushuar të gjitha akuzat ndaj Altin Ndocit duke e shpallur të pafajshëm.
Lidhur me këto dy vrasje më herët janë pushuar akuzat edhe për Talo Çelën. Vetë Alla sipas GJKKO, ka qenë shofer i makinës me të cilën u transportuan vrasësit e Haxhias. Në dëshminë e tij, ekzekutor ishte Nuredin Dumani, që mbante në kokë një kapuç, bashkë më një tjetër që nuk e njihte. Po ashtu Alla ka treguar se ka telefonuar Besmir Haxhinë për t’u takuar. Ky i fundit ishte tek dyqani i agjencisë dhe pa vonesë ka shkuar tek tregu i Shënavlashit bashkë me vëllanë e tij Viktorin. Sapo makina “Golf 6” është afruar, Nuredin Dumani
ka ulur xhamin e makinës dhe ka qëlluar, kurse ekzekutori tjetër ka qëlluar me xham të mbyllur. Më pas Dumani, zbriti nga makina dhe shtiu përsëri mbi trupat e gjakosur, të cilët i vrau për një borxh të pashlyer. Alla ishte personi që braktisi makinën tip “Benz” disa metra poshtë varrezave zonës, aty ku ka hedhur dhe armët.
Ndërkohë, GJKKO ka dënuar me 6 vite burg, Besjan Xhixhën dhe 5 vite Enver Divën, të dy të përfshirë në vrasjen e Bujar Çelës, më 17 shtator 2020, në Elbasan. Xhixha është shpallur fajtor po ashtu edhe për vendosjen e një eksplozivi në banesën e Talo Çelës në nëntor 2020 në Elbasan. Dëshmitë e vrasësit me pagesë Nuredin Dumani zbërthyen vrasjet nga grupet e organizuara kriminale të një dekade nga viti 2011 deri në 2022-shin, ndërsa përmenden edhe “bosët” e krimit në vend si Ervis Martinaj, Suel Çela, Kamber Mehajn, Sokol Sanxhaktarin, Florenc Hoxha, Elio Bitri etj, të cilët ndër të tjera kishin porositur eliminimin e njëri-tjetrit. Pas arrestimit, Nuredin Dumani rrëfeu krimet e kryera mes të tjerash edhe vrasjen e dy
25 vite burg për këto veprat penale: - “Vrasja në rrethana të tjera cilësuese”, ndaj dy ose më shumë personave, e kryer më shumë se një herë, në dëm të viktimave Besmir Haxhia, Viktor Haxhia, Dorjan Shkoza, Anxhelo Avdia
- “Mbajtja pa leje dhe prodhimi i armëve, armëve shpërthyese dhe i municionit”
- “Grup i strukturuar kriminal”
- “Sigurimi i kushteve dhe mjeteve materiale për të kryer vrasje”
- “Vjedhja” në dëm të viktimave Marsel Jashari dhe Anisa Çupi
6 vite burg për këto vepra penale: - “Sigurimi i kushteve dhe mjeteve materiale për të kryer vrasje” “Mashtrimi”
5 vite burg për veprën penale: i kushteve dhe mjeteve materiale për të kryer - “Sigurimi vrasje”
AKUZAT DHE DËNIMET
vëllezërve dhe dy miqve në Shënavlash të Durrësit. Dumani akuzoi si organizator Erjon Alibej. Sipas të penduarit, Alibej, i cili mori frerët e grupit kriminal pas masakrës së Bradasheshit, ku iu ekzekutua vëllai, xhaxhai dhe një shtetas turk, bëri një listë me emrat e personave që dyshonte se kishin marrë pjesë në ekzekutimin e trefishtë dhe nisi ekzekutimin e tyre. I penduari i drejtësisë tha se në vrasjen e vëllezërve Haxhia, kishin marrë pjesë ai, Erjon Alibej dhe Henrik Hoxha, gjurma e gjakut të të cilit u gjet në automjetin e krimit, ndërsa Klevis Alla kishte qenë në rolin e shoferit. Në vrasjen e dy miqve Dorian Shkoza dhe Anxhelo Avdia, Alla sipas Dumanit kishte pasur rolin e informatorit, ndërsa implikon edhe Elio Bitrin si pjesëtar të grupit. Edhe në këtë rast, Alibej ka pasur rolin e organizatorit dhe urdhëruesit për motive hakmarrje. Si Dumani ashtu dhe Henrik Hoxhaj përjashtuan pjesëmarrjen në këto krime të Talo Celës dhe Altin Ndocit. Dumani, Hoxha alibaj dhe Bitri janë marrë të pandehur për këto vrasje e krime të tjera të rënda dhe po gjykohen në një proces të ndarë.