Analiza e punës 1-vjeçare së SPAK/ Altin Dumani: Disa dosje s’i hetojmë dot me Policinë e Shtetit

“Rezulton se ka funksionarë të lartë që kanë bashkëpunuar me krimin e organizuar”

Kreu i SPAK, Altin Du mani gjatë raportim it të punës së bërë nga institucion që ai drejton gjatë vitit të shkuar deklaroi se për disa dosje që janë lidhura me krimin e organizuar, Prokuroria e Posaçme nuk bashkëpunon dot me Policinë e Shtetit. Dumani u shpreh se eksponentë të lartë të Policisë së Shtetit janë të lidhur me krimin e organizuar. Duke iu përgjigjur pyetjes nëse mungesa e hetuesve mund të zgjidhej duke bashkëpunuar me policinë, Dumani tha se bashkëpunon ngushtë me sektorin e krimit ekonomik dhe të krimit të organizuar, por në raste të caktuara kjo nuk është e mundur. “Krijimi i një nukli të oficerëve të policisë gjyqësore në Policinë e Shtetit ku mund të adresojmë procedimet tona mund të bëhet, por ne bashkëpunojmë me strukturë të posaçme me Drejtorinë e Policisë së Shtetit. Por janë një kategori çështjesh që ne nuk mund t’i hetojmë me Policinë e Shtetit, sidomos ata kur përfshihen punonjësit e Policisë së Shtetit. Hetimet tona kanë treguar që eksponentë të Policisë së Shtetit, madje me funksione të larta kanë bashkëpunuar me krimin e organizuar, referuar dhe çështjeve që kemi hetuar, dhe çështjeve që kemi në hetim e sipër. Janë një kategori çështjesh që ne hetojmë ekskluzivisht me BKH-në. Patjetër që bashkëpunojmë me policinë dhe kemi bashkëpunim të ngushtë”,-tha Dumani para Këshillit të Lartë të Prokurorisë (KLP).

DUMANI KËRKON SHTIMIN E HETUESVE TË BKH

Sipas Altin Dumanit, në lidhje me hetimin e krimit të organizuar, SPAK ka ndjekur strategjinë e hetimit shterues duke synuar shkatërrimin përfundimtar të tyre, por për këtë kërkohen më shumë hetues të BKH-së. “Duhen shtuar hetuesit e BKH duke pasur parasysh se mbi 75 % e hetimeve aktuale kryhen nga BKH.

Kemi një ndryshim trendi, nëse deri në 2022 numrin më të madh të hetimeve SPAK e ndiqte me Policinë e Shtetit tani hetimet i kryejmë me BKH. Kemi rritje të ngarkesës sidomos kur vjen puna për bashkëpunimin me autoritetet e huaja që kanë një fluks shumë të madh informacioni, letërporosi etj.”, tha Dumani. Një tjetër shqetësim mbetet mungesa e stafit dhe ngarkesa për të ndjekur seanca. “Drejtuesi i SPAK duhet të ndjekë 150 seanca gjyqësore në harkun kohor janar 2025- qershor 2026, një numër që mund të rritet. Parashikojmë rritje të volumit të punës në një kohë që burimet njerëzore vijojnë të mbeten të njëjta. Me ardhjen e dy kolegëve të tjerë, bëhen 20 prokurorë të SPAK. Kjo është mjaftueshëm. Nuk mendoj të shtohet numri i prokurorëve por të hetuesve. Shtoni hetuesit. Nevoja për ta është shumë e madhe”,-u shpreh Dumani.

Ndërkohë, është drejt përfundimit procesi i rivlerësimit për 28 hetuesit e parë të BKH-së. “Mund të ketë hetues që lënë për të dëshiruar në punën e tyre, ata janë në proces rivlerësimi. Dhe 28 të parët e emëruar në vitin 2021. Të shikojmë ndoshta ndonjë prej tyre e kalon apo e kalojnë të gjithë. Unë nuk kam kompetenca, por është ngritur një komision”,-pohoi kreu i SPAK. Më tej ai shprehu shqetësimin dhe për punën e ngarkuar për shkak të mungesës së hetuesve, dhe atyre profesionistë. “Nëse kemi hetues të mirë e profesionistë puna e prokurorit lehtësohet. Prokurori në një vend tjetër nuk kryen hetimet, kontrollon punën e hetuesit. Ne jemi kthyer në punëtor krahu, bëjmë çdo gjë vetë” tha Dumani.

KREU I SPAK PËRPLASET ME ANËTARIN E KLP

Kreu i SPAK, Altin Dumani është përplasur dje me anëtarin e KLP, Tartar Bazaj, gjatë raportimit të ecurisë së Prokurorisë së Posaçme.

Anëtari i KLP, Tartar Bazaj: Pak prokurorë mund të gjesh me integritet, njoh me qindra që kanë integritet, të gjithë prokuroret e republikës, të kërkoj ndjesë nëse e kapa ashtu, nëse altin dumani do ta konsiderohet veten para daljes në pension, do të ishte aq efektiv, atë punë sa punon Altin Dumani natë dhe ditë? A mund të sillte rrezikshmëri shoqërore nëse këta prokurorë do të merrnin mandat sa të dilnin në pension, të shkelnin edhe

të drejtat e njeriut nesër, mund të ketë efekte të tjera politike, po marr krahun e kundërt në këtë medalje, paraqet rrezikshmëri shoqërore dikush?

Dumani: Përdorni këtë logjikë edhe me gjyqtarët, pse ata nuk bëhen të rrezikshëm? Nuk bien në energjitë e tyre që janë pa mandat fare? Thashë rënie mundësie për të kandiduar, nuk thashë automatike, rrezikshmëria e prokurorëve dhe gjyqtarëve, si qenka e rrezikshme? Çfarë do të thuash konkretisht, këto janë themeltaret që i kemi mësuar

në shkollë, çfarë do të thuash? Me kalimin e viteve, nuk je më i njëjti, fuqia, por ne kontrollohemi, prokurorët jemi njerëzit më të kontrolluar, nuk ka si të vijë rreziku përderisa monitorohemi nga institucionet e tjera.

Anëtarja e KLP: Nuk ka si të vijë rreziku kur na kalon mosha, kur kemi atë eksperiencë, kemi mundësi përmes moshës të rrisim profesionalizmin tonë. Pritshmëritë tona janë dashamirëse, kështu mendoj un duhet t’i shikoni pyetjet.