Bilanci i SPAK në 2023-in/ Dumani në KLP: Sekuestruam 41 mln euro pasuri, në hetim ish-kryeministra e ish-kryebashkiakë

Kreu i Prokurorisë së Posaçme “shkund” institucionet shtetërore: Nuk raportojnë në SPAK rastet e korrupsionit DEA dhe FBI në zyrat tona. 18 zyrtarë të lartë janë nën hetim. Korrupsioni deri në 50 mijë të mos shqyrtohet nga ne

Kreu i Prokurorisë së Posaçme, Altin Du mani raportoi dje para Këshillit të Lartë të Prokurorisë (KLP) për punën e bërë gjatë vitit 2023. Ai ishte i shoqëruar nga dy zv drejtorët e SPAK Klodian Braho dhe Adnand Xholi, ndërsa ishte e pranishme edhe drejtoresha e BKH, Aida Hajnaj. Gjatë fjalës së tij, Dumani tha se puna e SPAK ka ndikuar që Shqipëria të dalë nga lista gri e pastrimit të parave. Drejtuesi i SPAK pohoi se përfaqësues të DEA dhe FBI janë atashuar pranë institucionit që ai drejton për të dhënë ndihmën e tyre. Altin Dumani bëri me dije se vlera e pasurive konfiskuara e të sekuestruara mbërrin një vlerë në total prej 41 mln euro, nga të cilat 54% të sekuestruara, pjesa tjetër të konfiskuara. Ai pohoi se gjatë vitit të kaluar, janë regjistruar 221 procedime penale për korrupsion ku, sipas tij, 67 procedime janë nisur kryesisht nga SPAK, 139% më shumë se viti paraardhës. Sipas Dumanit, janë regjistruar 8 procedime penale me 18 të pandehur për zyrtarë të nivelit të lartë, përfshirë ishministra, ish-kryeministra, ish-kryebashkiakë, apo ishsekretarë të përgjithshëm, dhe se SPAK ka përcaktuar 11 objektiva madhore përgjatë tri viteve të ardhshme, të cilat synojnë forcimin edhe efketshmërinë në goditjen e paligjshmërisë në vend. Ndërkohë, Dumani shprehu kritika për institucionet shtetërore, të cilat sipas tij kanë ulur rastet e referimeve, ndërsa veçoi Policinë e Shtetit, e cila, sipas tij, ka kryer siç duhet rolin e vet. Sipas kreut të SPAK, numri i referimeve nga institucionet publike ka pësuar një rënie prej 40 për qind. “Problematike është mungesa e referimeve të institucioneve publike ndaj korrupsionit dhe krimit te organizuar, përjashtuar vetëm Policinë e Shtetit. Janë institucione të nivelit qendror dhe lokal, ky është një shqetësim, pasi SPAK i vetëm nuk adreson dhe përballon luftën kundër korrupsionit apo vepra të tjera penale nga persona që mbajnë një pozicion shtetëror”, tha ai.

BILANCI I PUNËS SË SPAK

Në një seancë dëgjimore, Altin Dumani raportoi arritjet e SPAK. Ndër të tjera ai tha se 18 persona janë nën hetim nga zyrtarët e lartë në 2023shin. “SPAK ka luajtur një rol të rëndësishëm për nxjerrjen