Vasili: Ramaforma krijoi drejtësi me regji që s’ka lidhje me ligjin
“Gjykata vepron si noterizuese e poshtëruar nga SPAK”
Deputeti i Partisë së Lirisë Petrit Vasili u shpreh përmes një reagimi në rrjetet sociale se gjykata po shërben vetëm si noterizuese e poshtëruar e SPAK. Vasili u shpreh se “Ramaforma”, duke iu referuar reformës në drejtësi, krijoi gjykata që nuk gjykojnë në mënyrë të paanshme, por vetëm noterizojnë në mënyrë të turpshme vendimet e SPAK. Sipas tij SPAK po vepron si hetuesia e komunizmit dhe Gjykata Speciale si gjyqet popullore ku vendoste Partia dhe jo ligji duke pushkatuar kundërshtarët se thoshin të vërtetën.
Reagimi i plotë
Gjykata vetëm noterizuese e poshtëruar e SPAK-ut! Kjo deklaratë, që shihni në VIDEO, me zë dhe figurë, është provë dhe dëshmi shokuese dhe shumë tronditëse e drejtësisë totalisht të kapur, e pranuar dhe e pohuar me gojën e vetë këtyre. Ramaforma krijoi gjykata, që nuk gjykojnë në mënyrë ta paanshme, por që vetëm noterizojnë në mënyrë të turpshme çdo vendim të SPAK. Ramaforma krijoi drejtësi me regji, që s’ka asnjë lidhje me ligjin dhe barazinë përpara ligjit të të gjithë qytetarëve. Ramaforma krijoi drejtësinë e turpit ku SPAKU është si hetuesia e komunizmit dhe Gjykata Speciale si gjyqet popullore ku vendoste partia dhe jo ligji duke pushkatuar kundërshtarët se thoshin të vërtetën.
Ramaforma krijoi drejtësinë e bedelëve, që bëjnë sikur hetohen për të mos hetuar korrupsionin kriminal të Ramës dhe Veliajt. Ramaforma krijoi drejtësinë, që garanton vetëm pandëshkueshmërinë e grabitjes së miliarda euro të Ramës dhe Veliajt. Sikter një drejtësi e tillë dhe haram qindra milionë euro për këtë drejtësi rreckë, që qelbet erë rilindje.