“Duhet të hetohet në çdo bashki!”, Bardhi: Veliaj duhet të ishte në burg bashkë më 5 vartësit e tij

Malltezi i bashkohet protestës te bashkia: Veliaj, kopje e shëmtuar e Ramës. Ka në plan të… “S’keni punë me këshilltarët, arrestoni Veliajn!”, Alimehmeti kërkon të flasë me drejtorin e Policisë: Na lejoni të hyjmë në bashki! “Ortak me vartësit e tij”, Nok

Argita Malltezi, vajza e ishkryeministrit Sali Berisha i është bashkuar sot protestës së organizuar nga opozita dhe me pjesëmarrjen e gjerë të qytetarëve. Ajo tha për mediat se Veliaj është një kopje e shëmtuar e Ramës.

Malltezi: Ju shihni si zullumi është trashur aq shumë sa ka arritur përmasa të pakonceptueshme më parë. Para të shkojnë në xhepat e zyrtarëve. Nuk keni parë ndonjë hetim nga SPAK për Veliajn. Kjo është vjedhje. Protesta dhe reagimi popullor do të shërbejë për rrëzimin e sistemit që është kancer për shoqërinë, por edhe për çeljen e një sistemi për të gjithë ata që duan të rrisin fëmijët në Shqipëri. Kam shpresë së protesta do mbështetet gjerësisht. Ky është kryebashkiak që do të jetë kryeministër. Nëse doni një kopje të shëmtuar të Ramës në pushtet atëherë mos reagoni. Kreu i Grupit Parlamentar të PD, Gazment Bardhi në fjalën e tij në protestën para Bashkisë së Tiranës, u shpreh se kreu i bashkisë, Erjon Veliaj duhet të ishte në burg së bashku me vartësit e tij. “Kjo është protestë e shoqërisë civile. Si deputet dhe përfaqësues i qytetarëve, e kemi për detyrë të jemi në mbështetje të tyre. Zyrtarë të afërt me Velijan kanë guxuar të vjedhin. Veliaj do të duhej të ishte me 5 vartësit e tij në qeli dhe jo në zyrën e bashkisë. Ka shumë arsye për të protestuar. Ky nuk është një rast i shkëputur. Nëse hetoni, kjo është skemë e shtrirë në çdo bashki të vendit. Opozita, do të duhet t’i prijë qytetarëve për të bërë të mundur hetimet”,-tha Bardhi. Këshilltarët e opozitës në Bashkinë e Tiranës kanë kërkuar që të futen në institucion, për të vijuar punën. Ka qenë Ilir Alimehmeti që ka kërkuar të flasë me drejtorin e policisë së Tiranës, Tonin Vocaj, ku i ka kërkuar që të futen brenda. “Kush është komandanti këtu? Dua të flas me të. Zoti drejtor, a mund të hyjnë anëtarët e këshillit?. Kërkojmë të bëjmë detyrën tonë! Detyrë që na e ka ngarkuar populli. Çojmë kërkesë zyrtare për mbledhje urgjente! Është firmosur nga dhjetëra anëtarë të këshillit”,-tha zoti Alimehmeti. Ndërkohë, Tedi Blushi nga Partia e Lirisë ka thënë se; “S’kemi punë me këshilltarët, arrestoni Veliajn”. Protestës së sotme para Bashkisë së Tiranës, i është bashkuar dhe deputeti Flamur Noka. Ky i fundit sulmoi ashpër kryebashkiakun Erion Veliaj, duke e cilësuar atë një hajdut. “Sot jemi në rolin e protestuesit. Kjo është një protestë e thirrur nga Aleanca për Teatrin. Këtu është simboli i babëzisë, kreu i inceneratorit të Tiranës dhe aferës “5D”. Jemi në këtë protestë si qytetarë. Dje publikuam foto të resorteve me leje të dhëna nga Rama dhe Veliaj. Mister Inceneratori, jep dorëheqjen!”,-tha ai.