Luçiano Boçi: Rama ka ndërtuar perandorinë e vet mbi vuajtjet e shqiptarëve

“Drejtësia e re me regji”, Noka: T’i japim vendit qeveri teknike Banda e pushtetit ka ndërprerë rrugën drejt BE-së

Deputeti i PD-së Flamur Noka, në fjalimin e tij në Rrëshen theksoi se drejtësia e re në vend është me regji. Noka nënvizoi se banda e pushtetit ka ndërprerë prej 11 vitesh rrugën drejt BE-së.

Noka tha se PD po lufton për një qeveri teknike, që Shqipëria të ketë normalitet demokratik.

“Misioni ynë është të shpëtojmë Shqipërinë, siç shpëtuat ju Mirditën, duke zgjedhur kryetarin tuaj një demokrat. Do ta rrëzojmë këtë regjim kriminal dhe ndryshimi do të vijë. Banda e pushtetit ka ndërprerë rrugën drejt BE-së. Mirdita është një nga trevat e shpopulluara në vend. Drejtësia e re është bashkautore në vrasjen e shpresës, është bashkautore në largimet masive. Janë bërë bashkë në babëzinë e tyre dhe ta bëjnë Shqipërinë vend të pajetueshëm. “5D” është skema sesi ka funksionuar dhe funksionon një pushtet si ky i Edi Ramës dhe Erion Veliajt. “5D” është modeli më i keq, ata që duhet të ruajnë taksat, krijojnë kompani që të vjedhin taksat dhe e bëjnë në mes të Tiranës. Janë kthyer në bandë kriminale dhe me këto veprime janë bërë nxitëse të eksodit të shqiptarëve.

Shqipëria është kthyer në Kolumbi. Kjo ndodh se nuk ka drejtësi. Drejtësia e re është me regji dhe shqiptarët këtë po e vuajnë. Altin Dumani nuk përfaqëson drejtësinë e re që ne ëndërruam për të, se ndryshe nuk do të thoshte se çfarë bën Prokuroria bëjnë gjykatat se kjo shprehje të kujton Arianit Çelën. Koha e Arianit Çelëve do të mbarojë. Rama tentoi që të na përçajnë, por sot jemi të bashkuar për të ecur në betejë pa kthim deri në ndryshim. T’i japim Shqipërisë qeveri teknike, që të rikthehet vota e lirë”,- deklaroi Noka.

Ish-deputeti i Partisë Demokratike Luçiano Boçi ka marrë pjesë në një takim me simpatizantë demokratë në Mirditë. Ai u shpreh se kryeministri Rama ka ndërtuar mbi vuajtjet e shqiptarëve “perandorinë dhe fronin” e vetë. Sipas tij jeta sot në Shqipëri është një “mozaik dramash”, gjë që ai

nënvizoi se duhet të përmbyset së bashku me “regjimin narko-diktaturë” të ngritur.

“Edi Rama ka ndërtuar mbi dramat e shqiptarëve, mbi vuajtjet e tyre perandorinë e vetë dhe fronin e vetë. Krekoset dhe noton në para e luks, sepse jeta sot në Shqipëri fatkeqësisht

është një mozaik dramash, dramë të jesh fëmijë, dramë të jesh i ri, dramë të jesh i aftë për punë, sepse puna jote përqeshet nga patronazhistët. Këtë dramë duhet ta përmbysim, të shkërmoqim fronet e Edi Ramës dhe regjimi narkodiktaturë që ai ka ngritur në vend”,-tha ai.