Meta sulmon kreun e SPAK-ut: Kushëriri i Nuredin Dumanit
“Ai “karafil” mund të kapë ‘laraska’. PL ka 300 mijë ‘Vojo Kusha’” “Do i jap fund nepotizmit në parti”
Kreu i Partisë së Lirisë Ilir Meta ka hedhur akuza të rënda në drejtim të kreut të SPAK, Altin Dumani. Meta tha se kushëriri i Altin Dumanit, Nuredini ka vrarë, ndërsa kreu i SPAK po vret pluralizmin.
Ilir Meta: Kushëriri i tij, Nuredini ka vrarë, ndërsa Altin Dumani po vret pluralizmin. Ky karafil kërkon të bëhet vrasës i demokracisë.
Nuk ka ekzistuar asnjë sulm i imi si President apo kryetar i PL ndaj SPAK-ut. E kam bërë të qartë se zgjedhja e Prokurorit të Përgjithshëm me 69 vota ishte kapje flagrante e SPAK dhe Prokurorisë, sepse në këtë mënyrë u kap KLP.
Ju prisni të thotë kushëriri i Nuredinit që ka takuar McGonigalin? Të thotë që ka shkuar disa herë të Fier tek zoti Kastriot Ismanili që të dëshmonte kundër Ilir Metës që ai të dilte nga burgu dhe ky që nisi procedimin ndaj Ilir Metës, mbi bazën e një delokuenti që është dënuar për dhunë në familje, ky që thërret dëshmitar Ilir Matën që e ka vendin në burg… Nuk presim sinqeritet e integritet nga një i papërgjegjshëm që thotë publikisht se gjykata do të vendosë atë që thotë prokuroria. Nuk presim ndonjë integritet nga dikush që ka hyrë thellë në lojërat politike të Ramës.
Nuredini pavarësisht se është një personazh i një bote që e ka zgjedhur vetë, ka për mua një integritet më të madh se kushëriri i tij, sepse ky është zgjedhur për të respektuar Kushtetutën, për t’i shërbyer drejtësisë e për t’u bërë vegël e shëmtuar e politikës. Nuredini ka bërë vrasje, por ky karafil kujton se mund të bëhet vrasës i suksesshëm i pluralizmit në vend. Nëse SPAK qenka shpresë e madhe, le të dalë si parti politike dhe të marrë votat. Laraskat mund të kapin ato, por ka 300 mijë Vojo Kushë Partia e Lirisë. I ka këtu, i ka në Angli, Amerikë, Bruksel dhe në mbarë botën. Kryetari i Partisë së Lirisë, Ilir Meta gjatë konferencës për shtyp me gazetarët foli sërish për
“luftën” që ai nepotizmit.
Një ditë më parë, News24 dhe BalkanWeb mësuan se kreu i PL ka larguar nga partia bashkëshorten e tij, Monika Kryemadhi gjë e cila pritet të bëhet fakt përmes ndryshimeve statutore gjatë konventës së 27 prillit.
Kreu i PL tha se ka një rrjedhje të frikshme të korrupsionit për shkak të nepotizmit dhe një evazion të jashtëzakonshëm, ndërsa shtoi se ky fenomen e ka dëmtuar rëndë Partinë e Lirisë.
“Nuk kam ndërmend të hyj në detaje të panevojshme. PL është këtu me e qartë se asnjëherë tjetër jo vetëm në situatën në të cilën ndodhet vendi, por edhe për përgjegjësitë e saj dhe për vetë situatën në të cilën është ndodhemi deri tan.
i ka shpallur
PL ka një platformë të qartë, jo vetëm sa i takon programit, por të miratojë në konventën e 27 prillit një statut që do t’i japë fund çorganizimit të organizuar dhe do ta kthejë PL një platformë përfshirë, bazuar vetëm mbi standarde e meritokracisë. Do t’i jepet fund nepotizmit që e kanë dëmtuar seriozisht PL.
Duam të japim shembullin nesër sesi duhet të jetë administrata nën qeverisjen e PL. Ka një rrjedhje të frikshme të korrupsionit për shkak të nepotizmit dhe një evazion të jashtëzakonshëm, të miliarda eurove që nuk hyjnë në administrim. Nepotizmi është kaq shumë i rënduar në vendin tonë”,-deklaroi Meta.
Gjatë kësaj konference me gazetarët, Meta hodhi sërish akuza në adresë të kreut të SPAK, Altin Dumani.