Kushtet për çerdhet e reja, kamera sigurie që në hyrje

Rritet siguria, kriteret për çerdhet publike dhe private

ÇERDHE publike me një kapacitet prej më shumë se 3 mijë fëmijësh, numër i cili ka ardhur gjithnjë në rritje, numërohen vetëm në kryeqytet. Ndërkaq nuk ka ende një databazë të atyre private, të licencuara ose jo

Të gjitha çerdhet duhet të pajisen edhe me një kënd argëtues për të vegjlit në ambientet e jashtme të saj. Ato duhet të jenë të rrethuara për të lejuar vëzhgimin e tyre e njëkohësisht të mos lejojë futjen e personave të paautorizuar. “Këndet e lojërave duhet të rrethohen me gardhe për të përcaktuar zonën e lojës, për të mundësuar mbikëqyrjen pamore të fëmijëve dhe për t’i mbrojtur nga hyrja e individëve dhe mjeteve të paautorizuara”. Përveç elementeve të rëndësishme, kërkohet gjithashtu që në qendrat e kujdesit për fëmijët duhet të implementohen edhe teknologji për mirëpërdorimin e ujit, duke vënë si kusht reduktimin e tij në masën 20%. “Të projektohen sisteme të vaditjes dhe mbjelljes për të përdorur minimumin e ujit të pijshëm për vaditjen e bimësisë në oborr”, përcaktohet në dokumentin orientues për projektimin e çerdheve të reja. Aty është parashikuar çdo element me detaj, deri edhe te shkallët, të cilat duhet të jenë minimalisht 1- 1.3 metra dhe me mbajtëse në të dyja kahet.