Sulm me hanxhar në Gjermani, vritet një grua
Policia arreston sulmuesin, ishte azilkërkues sirian 21- vjeçar
Një tjetër sulm ka tronditur Gjermaninë, kur një refugjat sirian 21- vjeçar ka sulmuar një grua me hanxhar, duke e vrarë atë dhe duke plagosur dy persona të tjerë.
Sulmuesi është arrestuar nga Policia, e cila ka deklaruar se ngjarja nuk ka lidhje të dukshme me terrorizmin. Ngjarja ka ndodhur në qytetin e vogël perëndimor, Reutlingen afër një qebaptoreje pranë një stacioni autobusi në Sheshin Listplatz. Mediat gjermane kanë raportuar se arsyet e sulmit në qytezën në jug të Shtutgardit mbeten ende të paqarta. Disa raportime thonë se emigranti, fillimisht, po debatonte me gruan. Azilkërkuesi kishte sulmuar dy femra dhe një mashkull në Reutlingen, rreth 40 km në jug të Shtutgartit, sipas deklaratës së Policisë. Një nga femrat e sulmuara vdiq më pas në spital. Sipas gazetës “Bild” ajo ishte shtatzënë. Por Policia ka siguruar se pas arrestimit të tij nuk ka më rrezik në zonë. “Me shqyrtimin e provave, dalim në përfundimin se nuk ka lidhje me terrorizmin”, thuhet në një deklaratë të Policisë mbi ngjarjen. Ky ishte akti i tretë i dhunshëm në Gjermani brenda dhjetë ditëve të fundit. Pamjet nga vendi i ngjarjes tre- gojnë të riun e gjakosur, i cili është i shtrirë në tokë dhe po mbahet nga një polic. Policia e ka shtrirë në tokë përpara se ta prangoste. Besohet se një burrë që ka kaluar pranë vendngjarjes me një BMW e ka goditur 21- vjeçarin ndërkohë që ai sulmonte njerëzit me hanxhar, duke ia lehtësuar punën Policisë për ta arrestuar. Një dëshmitar tha për median gjermane “Bild” se: “Sulmuesi ishte plotësisht jashtë kontrollit. Ai vraponte me hanxhar madje edhe pas makinës patrulluese të Policisë”. Zëdhënësi i Policisë, Bjoern Reusch tha në një deklaratë, të dielën, se dëshmitarët kishin treguar se 21vjeçari, i cili ishte i njohur për Policinë, po debatonte me gruan që ekzekutoi para se ta sulmonte atë, rreth orës 16: 30. Dukej se ai po vepronte i vetëm dhe nuk kishte bashkëpunëtorë. Azilkërkuesi nga Siria ish- te i përfshirë në incidente të tjera të dhunshme edhe më parë, ku ka lënë njerëz të lënduar, sipas Policisë. Zëdhënësi i Policisë nuk dha informacione të detajuara se kur kishte mbërritur ky azilkërkues në Gjermani, ose kur kanë ndodhur incidentet e mëparshme. Sulmi ndodhi në një kohë kur Gjermania është e lënduar nga masakra e së premtes, ku humbën jetën nëntë njerëz, kur një adoleshent iraniano- gjerman sulmoi me një pistoletë dhjetëra njerëz, shumica të rinj, pranë një McDonaldi dhe një qendre tregtare.