Sulmi në Mynih, 19- vjeçari u sakrifikua për të shpëtuar motrën
Një nga viktimat e vrasësit të Mynihut, 18- vjeçari Ali Sonboly, humbi jetën kur doli para sulmuesit për të shpëtuar jetën e motrës së tij binjake, e cila ishte me të pranë vendit ku ndodhi sulmi i së premtes së kaluar. Hetimet kanë treguar se Sonboly ishte paraqitur si një vajzë adoleshente në “Facebook” dhe kishte ftuar miqtë për t’u bashkuar me të në një McDonalds në periferi të Moosach, Mynih, për t’i qerasur, por ai më pas u kishte zënë pritë atyre dhe kishte nisur vrasjet brutale me një pistoletë gjysmë- automatike. Ai konsiderohet si një njeri i vetmuar, me probleme mendore, dhe vrau nëntë të rinj gjatë sulmit të tij të qëllimshëm të të rinjve, si hakmarrje, pasi një pjesë e tyre ishin tallur prej vitesh me të. Shtatë nga nëntë viktimat ishin adoleshentë dhe më i riu ishte vetëm 13 vjeç. U zbulua se një viktimë, Huseyin Dayicik, 19 vjeç, kishte shpëtuar jetën e motrës së tij, kur iu hodh sul- muesit duke marrë dy plumba. Dayicik, një shtetas grek, ishte në qendrën tregtare për të blerë dhurata për familjen e tij, kur u përfshi në skenat e tmerrshme. Disa raportime tregojnë se në vend që të vraponte, ai qëndroi dhe shtyu motrën e tij jashtë drejtimit të të shtënave, ndërkohë që sulmuesi po mbushte armën. Djali ishte nga një komunitet mysliman në Trakinë perëndimore, por jetonte në Gjermani me familjen e tij. Kryeministri grek, Alexis Tsipras tha se vdekja e Dayicik, “na lidh edhe më shumë në luftën për të çrrënjosur urrejtjen dhe terrorizmin në Europë”.