Mou- Pep, përplasje gladiatorësh pas 4 vitesh armëpushim

Ja tek vjen dhe përballja e parë e Zhoze Murinjos dhe Pep Guardiolës. Nuk do të jetë në Mançester, por në Pekin, ndeshje e vlefshme për turneun miqësor "International Champions Cup". Trajneri i Junajtid nis me ankesa për kushtet në të cilat do të zhvillohet ndeshja. Zhoze Murinjo e zhvilloi konferencën e tij përpara ndeshjes jashtë stadiumit "Olympic Sports Centre", për shkak të temperaturave të larta dhe lagështisë së ajrit brenda sallës, madje meteorologët kanë parashikuar edhe përmbytje në orën e ndeshjes ( sot në orën 13: 30, me orën lokale). "Na uroni që të jemi me fat nesër ( sot), sepse fati është më i rëndësishëm sesa rezultati. Rezultati i kësaj ndeshjeje është që ne të kthehemi në shtëpi pa dëmtime dhe kjo është gjithçka që unë uroj. Zhoze Murinjo bëri të pamundurën dhe iu shmang pyetjeve për Pep Guardiolën, duke e përqendruar konferencën e tij vetëm në kushtet ku do të zhvillohet miqësorja e sotme, por Pep Guardiola ishte natyrshëm më i qetë dhe pranoi të fliste edhe për rivalitetin mes tyre. Kur e pyetën spanjollin nëse do t'i shtrëngonte duart me portugezin sot, 45- vjeçari u përgjigj: ' Sigurisht. Ne jemi djem të kulturuar. Pse jo? Përse nuk duhet t'ia shtrëngoj dorën? Ai ( Murinjo) dëshiron të fitojë. Unë dëshiroj të fitoj gjithashtu'".