TRANSFERTAT
Pronari i një kompanie ashensorësh në Tiranë është mashtruar nëpërmjet porosive për blerje online, duke humbur në këtë formë shuma të konsiderueshme parash.
Burime nga Policia e Tiranës thanë se biznesmeni 67vjeçar, Ideal Agolli, ka denoncuar se persona ende të panjohur i kanë vjedhur me anë të mashtrimit në internet rreth 40 mijë euro. Vjedhja është kryer në tri faza të fundit gjatë muajve të fundit, ndërsa i dëmtuari e ka kuptuar mashtrimin vetëm disa ditë më parë, kur kompania reale ku ai kishte porositur mallrat, i ka shkruar duke kërkuar të kryhej pagesa. Menjëherë pas e- mailit të mbërritur në adresën e tij, nga kompania me qendër në Shangai, biznesmeni i është drejtuar Policisë së Tiranës. Ai ka bërë denoncim në zyrat e Antikrimit Ekonomik, duke dorëzuar faturat e parave që kishte nisur në adresën e gabuar, si dhe e- mailet e shkëmbyera me kompaninë fiktive, që i kishte zhvatur paratë. Burimet thanë se adresa nga i kanë shkruar 67- vjeçarit është thuajse e njëjtë me adresën reale ku ai kishte porositur disa materiale për kompaninë e tij, që i priste t'i vinin nga Kina. I vetmi ndryshim ishin disa numra, të cilat Ideal Agolli nuk i ka vënë re, duke e marrë si të mirëqenë. Për këtë arsye ka kryer tri transferta bankare, të parën rreth 27 mijë dollarë, të dytën 10 mijë euro dhe të fundit 5 mijë euro.
HETIMI
Menjëherë pas kallëzimit të biznesmenit të ashensorëve, oficerët e Antikrimit Ekonomik kanë nisur verifikimet e nevojshme, duke filluar nga adresa false e emailit, nga ku i ishte shkruar Ideal Agollit. Adresa Biznesmeni që është vjedhur nëpërmjet mashtrimit kompjuterik, 67- vjeçari Ideal Agolli, është ortak i një kompanie ashensorësh, që ndodhet në rrugën "Dritan Hoxha", në Tiranë. Kjo kompani, ku ai ka 50 për qind të aksioneve, është themeluar në vitin 2002. Ndërsa si objekt të aktivitetit të saj ka import- eksport me shumicë dhe pakicë të materialeve dhe pajisjeve industriale; projektime dhe instalime elektroimpiantesh; ashensorë; impiante për prodhimin dhe shpërndarjen e energjisë elektrike në TM dhe TU; impiante shpërndarjeje rrjeti telefonie, DATA, sinjali televiziv, për objekte civile dhe industriale; tregtim të pajisjeve elektroshtëpiake etj. vvfsi1079@ 163. com", që supozohej të ishte e kompanisë kineze "Shanghai CET Electric Co. LTD", me të cilën kishte kontaktet Agolli, është analizuar edhe nga oficerët e Krimeve Kompjuterike. Burimet thanë se është arritur të zbulohet vendndodhja e autorëve që dyshohet të kenë vjedhur paratë e biznesmenit. Mëso- Sipas burimeve nga Policia e Tiranës, Sektori Kundër Krimit Ekonomik ka nisur hetimet për vjedhje me anë të mashtrimit kompjuterik, pas denoncimit që ka bërë një biznesmen 67- vjeçar. Burimet thanë se, më 23 gusht, shtetasi Ideal Agolli ka kallëzuar se është mashtruar online, duke pësuar një dëm ekonomik në shumën prej rreth 40 mijë eurosh. "Në kallëzimin e tij, biznesmeni është shprehur se dëmi i shkaktuar është 10.610,37 euro dhe 27.787,07 dollarë amerikan, nga persona të panjohur, me një adresë e- maili false ' vvfsi1079@ 163. com'", tha dje Policia. Nëpërmjet mashtrimit me anë të kësaj adrese, autorët kanë devijuar në mënyrë të paligjshme transfertat bankare, të destinuara për të paguar një faturë mbi blerjen e disa mallrave nga kompania kineze "Shanghai CET Electric Co. LTD". het se nëpërmjet komunikimeve elektronike është zbuluar serveri, që sipas Policisë ndodhet në Çeki. Nga i njëjti server janë kryer edhe të paktën dy mashtrime të tjera që janë denoncuar si raste në Policinë e Tiranës. Bëhet fjalë për dy ndërtues, të cilët kanë kallëzuar se u janë vjedhur 10 dhe 15 mijë euro, me porositë që kanë kryer online. Burimet thanë se kanë nisur hetimet për identifikimin e plotë të autorëve dhe arrestimin e tyre. Megjithatë, deri tani ende nuk ka asnjë emër konkret personash të dyshuar dhe për këtë arsye, oficerët e Antikrimit Ekonomik po bashkëpunojnë ngushtë me ata të Krimeve Kompjuterike.