AFATET E ANKESAVE
Me rregulloren e re të miratuar nga Qeveria për funksionimin e operatorëve turistikë, këta të fundit janë të detyruar t’u përgjigjen ankesave të pasagjerëve brenda 3 ditësh. Po ashtu ata operatorë të cilët përveç prenotimeve online punojnë në mënyrë direkte me pasagjerët për prenotimet, tashmë do të kenë detyrim afishimin e çmimeve për paketat turistike që ofrojnë. të jetë e detyrueshme që këto agjenci të kenë të punësuar një drejtues teknik dhe një përfaqësues ligjor, të cilët do të jenë përgjegjës për zbatimin e kritereve dhe standardeve të rregullores së re. Përveç kësaj, operatori turistik është i detyruar që gjatë zbatimit të një pakete udhëtimi dhe ekskursioni për më shumë se 10 persona, duhet të ketë të paktën një shoqërues udhëtimi dhe një udhërrëfyes të certifikuar. Detyrim në veprimtarinë e operatorëve turistikë do të jenë edhe zbatimi i kritereve për ambientet e punës. Një operator turistik nuk mund të ushtrojë veprimtarinë e tij në një ambient me sipërfaqe më të vogël se 16 metra katrorë. Kriteret e reja do të zbatohen edhe nga agjencitë e udhëtimit, të cilat do të kenë detyrim kontratën me pasagjerët.