Arrestohet i kërkuari për trafik qeniesh njerëzore
TIRANE – Një 35- vjeçar i shpallur në kërkim nga drejtësia shqiptare, është vënë në pranga paraditen e djeshme nga Policia e Tiranës. I arrestuari është Rezart Merkaj nga Fieri, ndaj të cilit ishte lëshuar një urdhër arresti nga Gjykata e Krimeve të Rënda, me akuzën e trafikimit të qenieve njerëzore. Burime nga Policia e kryeqytetit thanë dje, se oficerët e Kërkimit kishin marrë informacion se një shtetas në fjalë, edhe pse me banim në Fier, ndodhej në një lokal në Tiranë. Menjëherë janë nisur shërbimet në adresën ku ishte dhënë informacion, në një lokal pranë stadiumit “Selman Stërmasi”, në rrugën “Sulejman Delvina”. I kërkuari është konstatuar duke pirë kafe, i shoqëruar edhe nga dy persona të tjerë. Menjëherë është bërë arrestimi i tij dhe është transportuar në Drejtorinë e Policisë së Tiranës. Policia sqaroi dje se ky shtetas ishte i shpallur në kërkim, pasi Prokuroria e Krimeve të Rënda kishte dërguar urdhrin e datës 17 qershor 2016 për ekzekutimin e një vendimi penal. Vendimi në ngarkim të 35- vjeçarit MUAJ më parë ishte shpallur në kërkim shtetasi Rezart Merkaj, i cili është akuzuar nga ana e Prokurorisë së Krimeve të Rënda për trafikim personash të rritur. Masa e arrestit ndaj tij në mungesë ishte “burg pa afat” Rezart Merkaj ishte dhënë në mungesë, më datë 16 qershor, kur Gjykata e Shkallës së Parë për Krime të Rënda ka caktuar masën e sigurisë “arrest me burg” për veprën penale të “trafikimit të personave të rritur”. Policia tha se shtetasi i arrestuar është ende në fazë hetimesh, pasi dyshohet të ketë bashkëpunuar edhe me persona të tjerë për trafikimin jashtë Shqipërisë të personave të ndryshëm, për qëllime ende të pasqaruara.