Spanjë, Rajoy fiton rizgjedhjen, kryeministër pas 300 ditësh paqartësi
Kryeministri i Spanjës, Mariano Rajoy, ka siguruar rizgjedhjen në këtë post pas më shumë se 300 ditësh që vendi i tij nuk kishte një qeveri të përcaktuar nga dy zgjedhjet e fundit, që nuk i kishin dhënë askujt përparësi të mjaftueshme për të formuar qeverinë pa një koalicion të vështirë. Të dielën rivalët e tij socialistë pranuan humbjen, duke i hapur rrugë zgjidhjes së gjendjes pezull prej dhjetë muajsh. Liderët socialistë kanë udhëzuar ligjvënësit e partisë së tyre që të abstenojnë kur Kuvendi të shqyrtojë kandidaturën e Rajoy fundjavën e ardhshme, duke i privuar partitë e tjera opozitare nga votat e nevojshme për të bllokuar përcaktimin në detyrë të liderit konservator. Socialistët e kanë bllokuar Rajoy-n në dy zgjedhjet e mëparshme parlamenteve që nga dhjetori i kaluar, por tashmë kanë pranuar se ata i druheshin një humbjeje më të thellë nëse zgjedhjet e treta ishin të nevojshme. Komiteti i lidershipit socialist mori vendim të dielën me një votim 139 vota pro kundrejt 96 kundër që Rajoy të jetë sërish kryeministër. Ai ka drejtuar qeverinë që kaloi recesionin në Spanjë, por së fundmi mbështetja e tij ka rënë ndjeshëm për shkak të skandaleve të zbuluar të korrupsionit në qeverinë e tij. Rajoy do të bëhet kreu i dytë i një qeverie të eurozonës pas Enda Kenny në Irlandë, që fiton rizgjedhjen pas shkurtimeve të dhimbshme buxhetore të kërkuara nga kreditorët për të lehtësuar krizën financiare të Europës.