BANORËT: TURISTËT HABITEN
Asnjë veprimtari përkujtimore apo aktivitet artistik nuk u organizua në fshatin e tij të lindjes dhe as në qytetin e Lezhës, në nderim të kësaj figure emblematike të kombit shqiptar. Për ironi, krahas harresës së poetit, edhe banesa ku ka jetuar Fishta është rrënuar dhe po shkon drejt shkatërrimit të plotë. Disa kohë më parë për restaurimin e shtëpisë u vetofruan donatorë, por projekti i tyre mbeti në letër. Në këto kushte, shtëpia ku ka jetuar At Gjergj Fishta rrezikon seriozisht shembjen e saj, pasi çdo ditë e më shumë po dëmtohet. "Kthimi i kësaj banese në muze është premtuar prej kohësh, por asgjë nuk është bërë në këtë drejtim. Është e pafalshme për shtetin shqiptar që lë në harresë një figurë siç është At Gjergj Fishta në përvjetorin e 145- të. Sot është një ditë proteste për ne dhe një apel që të ndërhyhet, pasi banesa po shembet dhe rrezikohet seriozisht ekzistenca e saj", u shpreh Gac Ndoka, stërnip i Fishtës. Sipas tij, janë bërë apele të herëpashershme për të ndërhyrë, por gjithçka ka kaluar në heshtje dhe nuk ka asnjë reagim institucional për këtë çështje, ndonëse janë vetofruar donatorë të ndryshëm për rikonstruksionin dhe kthimin në identitet të shtëpisë dykatëshe të At Gjergj Fishtës.
Edhe historiani dhe studiuesi Paulin Zefi e quan kriminale dhe antishqiptare neglizhencën, sipas tij, të Ministrisë së Kulturës, e cila nuk po i hap rrugë projektit për restaurimin e shtëpisë së Fishtës. "Shtëpia është e degraduar. Pjesa pas saj ka filluar të shembet. Çatia ka arritur në atë pikë sa uji depër- Edhe banorë të zonës e konsiderojnë të pafalshme harresën që po i bëhet figurës së tij. "Ka raste që vijnë turistë këtu dhe habiten kur përballen me shtëpinë në këtë gjendje të Fishtës", shprehen ata. I lindur më 23 tetor 1871, dita e djeshme ishte përvjetor. Fishta ishte frat, shkrimtar, poet dhe publicist. Fishta ndërroi jetë më 30 dhjetor 1940 në spitalin e Shkodrës, pas problemeve shëndetësore. ton brenda dhe mungesa e vëmendjes është kriminale nga ana e Ministrisë së Kulturës. Unë kam dërguar projektin bashkë me donatorët kosovarë te Ministria dhe nuk është aspak e vërtetë ajo çfarë ka thënë ministrja Kumbaro se nuk ka asnjë projekt për restaurimin e shtëpisë së Fishtës. Megjithatë, bashkë edhe me shoqërinë civile do të realizojmë një tjetër projekt për shtëpinë e Fishtës dhe do t'ia paraqesim Ministrisë për miratim. Në të njëjtën kohë do të hapim dhe një llogari bankare për të gjithë ata që do të kontribuojnë sado pak për restaurimin e kësaj banese", u shpreh Paulin Zefi.