Basha: Rama është izoluar në zyrën e tij
“Në qeverinë time asnjë familje pa bukë, ujë e drita”
Takimin me strukturat dhe aksionin për hapjen e Partisë Demokratike, Lulzim Basha e ka diskutuar edhe me simpatizantët e PD- së në Gjirokastër. Në takimin me strukturat e PDsë, Basha ka bërë thirrje që të qëndrohet sa më pranë shqetësimeve dhe problematikave që njerëzit kanë, ndryshe nga ajo që po bën qeveria. “Kjo qeveri është shkëputur tërësisht nga realiteti i qytetarëve, që prej ditës së parë, me vullnetin e saj. Ky kryeministër është izoluar nga hallet e shqiptarëve prej ditës së tij të parë në zyrë. Sot shpresa po vdes, për shkak të politikës së papërgjegjshme që po e vret, një politikë që promovon të keqen dhe i thotë ndal së mirës. Ky është instrumenti, ky është çelësi për të thyer ciklin vicioz të tranzicionit, duke i thënë urdhëro, dhe duke i hapur derën së mirës dhe duke i thënë ndal së keqes, brenda vetes tonë dhe pastaj për të gjithë shqiptarët”, tha Basha. Kreu i opozitës theksoi se me hapjen e Partisë Demokratike po tentohet një bashkim i të gjithë shqiptarëve. Për këtë arsye, kreu i PD- së i bëri thirrje çdokujt që dëshiron t’i bashkohet aksionit të opozitës dhe kundër së keqes t’i bash- kohet lëvizjes së iniciuar nga PD- ja. “Një ndryshim i madh i Shqipërisë nis nga brenda vetes sonë. Na duhet të përmbyllim procesin e kthimit të Partisë Demokratike në një parti moderne europiane perëndimore. Hapja e Partisë Demokratike ndaj çdokujt që do të vijë në këtë betejë e të bashkohet me ne, dhe nuk janë pak, nuk janë vetëm simpatizantë, por edhe ishkundërshtarë që kanë identifikuar të keqen e madhe që kemi përballë. Edhe më afër njerëzve duhet të jemi, edhe më mirë duhet të njohim problemet. Evidentimi i plotë i kësaj gjendjeje është në radhë të parë një instrument i domosdoshëm, për të filluar prej ditës së parë me një buxhet për shqiptarët”, u shpreh Basha. Në një takim me banorët në lagjen Zinxhira në Gjirokastër, kreu i opozitës u njoh me shqetësimet e banorëve për mungesën e dritave dhe braktisjen totale nga qeveria. Banorët kanë shprehur shqetësime se nuk kanë as mundësi për ngrohje, pasi nuk i lënë të mbledhin dru edhe në lumë. Në përgjigje të këtij shqetësimi, Basha prem- toi se gjatë qeverisjes së tij nuk do të ketë familje në nevojë që nuk ndihmohen nga shteti. “Në qeverinë time, qëllimi do të jetë të mos ketë asnjë familje pa bukë, pa ujë e pa drita dhe ne do bëjmë gjithçka që buxheti i shqiptarëve të shkojë në radhë të parë aty ku shqiptarët kanë më shumë nevojë. Familjet në nevojë ekonomike, 200 kilovatët e parë nuk do t’i paguajnë, por do t’ua paguajë buxheti i shtetit. Kjo do të jetë një nga masat që unë do të marr që në ditën time të parë si kryeministër” tha Basha.